ԵՐԵՎԱՆ, 22 սեպտեմբերի — Sputnik. Գործարար Ալեքսիս Օհանյանը խոստացել է պատմական հայրենիք բերել իր նորածին դստերը` Օլիպմիային։ Այս մասին նա հայտնել է Instagram-ի իր էջում` շնորհավորական գրառում տեղադրելով Հայաստանի Անկախության օրվա առթիվ։
«Շնորհավոր անկախության օրդ, Հայաստան։ 1991 թվականին խորհրդային իշխանությունից ազատված մեր փոքր երկիրը շարունակում 1 զարգանալ։ Դուստրս մի անգամ Հայաստան կգա», — նշել է նա։
Ապրիլին հայտնի էր դարձել, որ թենիսիստուհի Սերենա Ուիլյամսը, որը սեպտեմբերին 36 տարեկան կդառնա, երեխայի է սպասում։ Երեխայի հայրն ամերիկահայ գործարար Ալեքսիս Օհանյանն է։ Ուիլյամսը իրենց նշանադրության մասին հայտնել է դեռ անցած տարվա դեկտեմբերին։
Օլիմպիան ծնվել է այս տարվա սեպտեմբերի 2-ին։
Սերենա Ուիլյամսը համաշխարհային WTA վարկանիշային աղյուսակի երկրորդ տեղն է զբաղեցնում։ Իր կարիերայի ընթացքում նա WTA-ի 72 մրցաշար է հաղթել, որոնցից 23-ը` Մեծ սաղավարտի առաջնություններում։
