Օգոստոսի 25-ից ամենօրյա կանոնավոր երթուղիներից բացի Հանրապետության հրապարակից մեկնարկել է «Երևան Սիթի Տուրի» «Գիշերային Երևան» խորագրով նոր երթուղին։
45 րոպե տևողությամբ այդ երթուղով տեղի բնակչությունն ու զբոսաշրջիկները հնարավորություն ունեն վայելելու երեկոյան Երևանը, մասնակցելու Հանրապետության հրապարակի երգող շատրվանների նոր երաժշտական ծրագրին, նաև շրջելու մայրաքաղաքի տեսարժան վայրերում, բարձունքից վայելելու երևանյան համայնապատկերը:
Ծրագիրը գործում է ուրբաթ, շաբաթ և կիրակի օրերին: Երթուղին նախատեսված է ժամը 20։30-21։15-ը:
Տեղեկացնենք, որ «Երևան Սիթի Տուրի» «Գիշերային Երևանը» կգործի մինչև զբոսաշրջային սեզոնի ավարտը։
Sputnik Արմենիան մասնակցել է երեկոյան զբոսանքին և խոսել Երևանով հիացած զբոսաշրջիկների հետ։
