ԵՐԵՎԱՆ, 23 սեպտեմբերի — Sputnik. Հայաստանի դեմոկրատական կուսակցության նախագահ Արամ Սարգսյանը մեկնել է Էրբիլ։ Այս մասին հայտնում է կուսակցության մամուլի ծառայությունը։
«Իրաքի Քրդստանում կայանալիք անկախության հանրաքվեի առիթով, հանրաքվեն անցկացնող ընտրական հանձնաժողովի հրավերով, դիտորդական առաքելությամբ Էրբիլ է մեկնել Հայաստանի դեմոկրատական կուսակցության նախագահ Արամ Սարգսյանը»,- նշված է հաղորդագրության մեջ։
Պաշտոնական էրբիլի և Իրաքի կենտրոնական իշխանությունների բանակցություններն ընդհատվել են, և Քրդստանի նախագահ Բարզանին հայտարարել է՝ եթե բանակցություններ, ապա միայն հանրաքվեից հետո:
Իրաքյան Քրդստանի իշխանությունը պատրաստվում է Իրաքի կազմից դուրս գալու հանրաքվե անցկացնել սեպտեմբերի 25-ին։
