Նյույորքյան հանդիպումները փոխվստահության հույս են առաջացրել համանախագահների մոտ

© Sputnik / Григорий Сысоев / Անցնել ֆոտոբանկЗаседание Совета министров иностранных дел государств-членов Союза Независимых Государств
Заседание Совета министров иностранных дел государств-членов Союза Независимых Государств - Sputnik Արմենիա
Բաժանորդագրվեք
Հայաստանի և Ադրբեջանի արտգործնախարարների հանդիպումից հետո ԵԱՀԿ համանախագահները փոխվստահության ամրապնդման հույս են հայտնել։

ԵՐԵՎԱՆ, 24 սեպտեմբերի — Sputnik. Հայաստանի և Ադրբեջանի նախագահների առաջիկա հանդիպումը կնպաստի կողմերի միջև փոխվստահության ամրապնդմանը։ Երկու երկրների ԱԳ նախարարների հանդիպումից հետո նման հույս են հայտնել ԵԱՀԿ ՄԽ-ի համանախագահները։

ՄԱԿ-ի վեհաժողովի շրջանակներում կայացած հանդիպումից հետո, որին ներկա են եղել նաև ԵԱՀԿ ՄԽ համանախագահները, վերջինները հայտարարություն են տարածել, որտեղ նաև ասված է, որ Սերժ Սարգսյան-Ալիև հանդիպման արդյունքում երկու կողմերի միջև կդրսևորվի «քաղաքական կամք՝ գտնելու փոխզիջումային որոշում հակամարտության առանցքային խնդիրների շուրջ»։

Министры иностранных дел России и Армении Сергей Лавров и Эдвард Налбандян - Sputnik Արմենիա
Լավրովն ու Նալբանդյանը քննարկել են բարձր մակարդակի փոխայցելությունների ժամանակացույցը

ԵԱՀԿ Մինսկի խմբի համանախագահներն իրենց հայտարարությամբ նաև տեղեկացնում են, որ Նյու Յորքում սեպտեմբերի 24-ին հայտարարություն են տարածել, որով տեղեկացնում են, որ Նյու Յորքում Հայաստանի և Ադրբեջանի արտգործնախարարներից յուրաքանչյուրի հետ հանդիպել են առանձին և միասին։ Խորհրդակցությունների հիմնական նպատակը, ըստ հայտարարության, հակամարտության գոտում տիրող իրավիճակը քննարկելն էր, ինչպես նաև բանակցային գործընթացի ակտիվացմանն ուղղված ճանապարհներ որոնելը։

Բացի այդ, նույն հայտարարության համաձայն, համանախագահների նպատակն է եղել Հայաստանի ու Ադրբեջանի նախագահների առաջիկա հանդիպման շուրջ պայմանավորվածության գալը։ ՄԽ համանախագահները նաև հայտնել են, որ հոկտեմբերի սկզբին մտադիր են այցելել տարածաշրջան։

Սեպտեմբերի 23--ին, Նյու Յորքում կայացել է Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը, որին ներկա են եղել ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին, Էնդրյու Շոֆերը, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը։ Հանդիպման ընթացքում կողմերը քննարկել են Հայաստանի և Ադրբեջանի նախագահների ակնկալվող հանդիպման կազմակերպմանը և համանախագահների տարածաշրջանային այցին վերաբերող հարցեր։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала