ԵՐԵՎԱՆ, 28 սեպտեմբերի — Sputnik. ՀՀ նախագահ Սերժ Սարգսյանի հրամանագրով՝ գեներալ-մայոր Արթուր Սիմոնյանն ազատվել է Խաղաղապահ ուժերի բրիգադի հրամանատարի պաշտոնից և նրա փոխարեն հրամանատար է նշանակվել Վաղինակ Սարգսյանը։ Այս մասին տեղեկացնում է ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչությունը։
«Գնդապետ Վաղինակ Սարգսյանին նշանակել Խաղաղապահ ուժերի բրիգադի հրամանատար` ազատելով նրան Հայաստանի Հանրապետության զինված ուժերի գլխավոր շտաբի հետախուզության վարչության պետի պաշտոնից »,-ասվում է նախագահի հրամանագրում:
Սերժ Սարգսյանի հրամանագրում նշված է, որ Վաղինակ Սարգսյանի հետ պայմանագիր կկնքվի մեկ տարի ժամկետով` 2017 թվականի սեպտեմբերի 30-ից։
