«Վերջին բնակիչը» ֆիլմը լավագույնն է ճանաչվել Սկանդինավյան երկրների փառատոնում

© Facebook/THE LAST INHABITANTФильм "Последний житель"
Фильм Последний житель - Sputnik Արմենիա
Բաժանորդագրվեք
НовостиTelegram
«Վերջին բնակիչը» Սկանդինավյան երկրների փառատոնում ճանաչվել է «Լավագույն գեղարվեստական ֆիլմ»։

ԵՐԵՎԱՆ, 28 սեպտեմբերի — Sputnik. Ֆինլանդիայի Սկանդինավյան երկրների միջազգային փառատոնում (Scandinavian International Film Festival) «Լավագույն գեղարվեստական ֆիլմ» անվանակարգում հաղթող է ճանաչվել Ջիվան Ավետիսյանի «Վերջին բնակիչը» ֆիլմը։ Այս մասին նշված է ֆիլմի ֆեյսբուքյան էջում։

 

Կինոփառատոնի մեկնարկը կազդարարվի հոկտեմբերի 25-ին, իսկ «Վերջին բնակիչը» կցուցադրվի հոկտեմբերի 28-ին՝ որպես կինոփառատոնի փակման ֆիլմ։

«Վերջին բնակիչը» ֆիլմը նկարահանվել է Ծովինար Խաչատրյանի «Գյուրջևանի վերջին բնակիչը» պատմվածքի հիման վրա:

Այն ստեղծվել է 2016թ.-ին, միջազգային համագործակցության արդյունքում: Նկարահանումները տեղի են ունեցել 2015թ.-ին՝ Արցախում, ռեժիսորի հայրենի Խաչմաչ գյուղում։

Серж Танкян - Sputnik Արմենիա
Թանկյանն ամերիկացիներին խորհուրդ է տալիս դիտել արցախյան հակամարտության մասին ֆիլմը

Ֆիլմի հայկական պրեմիերան կայացել է «Ոսկե Ծիրան» 13-րդ կինոփառատոնի շրջանակներում։ Վերջերս ֆիլմն ընդգրկվել է Շանհայի 20-րդ միջազգային կինոփառատոնի «Panorama» ոչ մրցութային ծրագրում։

System of a Down ռոք-խմբի մենակատար Սերժ Թանկյանն ավելի վաղ կոչ էր արել դիտել «Վերջին բնակիչը» ֆիլմը` նշելով, որ այն հուզական, լարված ինդի-դրամա է Արցախի ու Ադրբեջանի միջև հիմա շարունակվող հակամարտության մասին։

«Վերջին բնակիչը» ֆիլմը պատմում է գյուղի վերջին բնակչի մասին։ Գյուղը դատարկվել է արցախյան հակամարտությունից հետո։ Սակայն գլխավոր հերոսը չի կարող գյուղը լքել, քանի որ սպասում է դստեր վերադարձին, որը ջարդերից հետո հոգեբուժարանում է հայտնվել։
Լրահոս
0