Սիմոնյանը չի բացառում, որ RT-ն կարող է լքել ամերիկյան մեդիադաշտը

© Sputnik / Михаил Воскресенский / Անցնել մեդիապահոցКонференция RT "Информация, политика, СМИ: формирование нового миропорядка"
Конференция RT Информация, политика, СМИ: формирование нового миропорядка - Sputnik Արմենիա
Բաժանորդագրվեք
НовостиTelegram
ԱՄՆ-ն RT-ին ընտրության առաջ է կանգնեցրել: RT-ի գլխավոր խմբագիր Մարգարիտա Սիմոնյանը հայտարարել է, որ ԱՄՆ-ի արդարադատության նախարարությունը փաստացի հեռուստաալիքին այնպիսի պայմաններ է թելադրել, որոնցում աշխատել հնարավոր չէ:

ԵՐԵՎԱՆ, 1 հոկտեմբերի — Sputnik. RT-ի գլխավոր խմբագիր Մարգարիտա Սիմոնյանը հայտարարել է, որ ԱՄՆ-ի իշխանությունների կողմից Russia Today հեռուստաալիքի վրա գործադրվող ճնշումների շարունակության պարագայում, ընկերությունը պարզապես կլքի այդ երկիրը: Այդ մասին նա հայտնել է կիրակի ՆՏՎ հեռուստաալիքի եթերում հեռարձակվող «Շաբաթվա ամփոփում» (“Итоги недели”) ծրագրի շրջանակներում տված հարցազրույցի ժամանակ:

«Դեպքերի վատագույն զարգացման պարագայում մենք կլքենք ԱՄՆ-ի տարածքը, այնտեղ այլևս մենք չենք հեռարձակվի: Նման պարագայում Ռուսաստանը նույն պատասխանն է տալու ամերիկյան ԶԼՄ-ներին, ինչը ես չէի ցանկանա, քանի որ ես լրագրող եմ», — ասել է RT-ի գլխավոր խմբագիրը:

Главный редактор Международного информационного агентства Россия сегодня Маргарита Симоньян - Sputnik Արմենիա
Մարգարիտա Սիմոնյան. «Չգիտեինք, որ Պենտագոնն այդքան վախկոտ է»

Նա ավելացրել է, որ իրադարձությունների նման զարգացման  պարագայում ալիքը կօգտագործի լսարանի, այդ թվում` ամերիկյան լսարանի հետ հաղորդակցվելու մյուս բոլոր  հասանելի միջոցները:

«Ինչ են նրանք անում մեր նկատմամբ` փաստացի երկրից դուրս են անում, այժմ նրանք մեզ այնպիսի իրավիճակի մեջ են դնում, որոնցում աշխատել հնարավոր չէ: Ահա ձեզ, նրանց գովաբանած խոսքի ազատությունը: Ինչո՞ւ են նրանք այդպես վարվում: Որովհետև կարծում են, որ մենք այլ տեսակետ ենք ներկայացրել, և դա ազդել է նրանց ընտրությունների վրա», — ասել է Սիմոնյանը:

Սեպտեմբերի սկզբին ԱՄՆ-ի արդարադատության նախարարությունը պարտադրել է ԱՄՆ-ում RT America հեռուստաալիքին, ինչպես նաև նրա ընթացիկ գործունեությունն ու հեռուստաարտադրությունը սպասարկող ընկերությանը գրանցվել որպես արտասահմանյան գործակալ: Փաստաթուղթը ստացվել է օտարերկրյա գործակալների գրանցման պահանջները փոխելու նպատակով ԱՄՆ ներկայացուցիչների պալատի օրակարգում ներառված օրինագծի քննարկումների ֆոնին:

Նախագծով առաջարկվում է Արդարադատության նախարարությանը լրացուցիչ լիազորություններ շնորհել, որոնք թույլ կտան բացահայտել և քրեական հետապնդում իրականացնել այն կազմակերպությունների նկատմամբ, որոնք «ապօրինի կերպով» փորձում են ազդել ԱՄՆ-ում ընթացող քաղաքական գործընթացների վրա:

Լրահոս
0