Սիլվա Ադամյան
Դիլիջանյան հյուրանոցում պահվող դելֆինները պետք է դուրս բերվեն Հայաստանից։ Sputnik Արմենիայի հետ զրույցում ասաց բնապահպան Սիլվա Ադամյանը։ «Նման պայմաններում դելֆիններին պահելը հանցագործություն է»,- ասաց նա։
Ադամյանը նաև նշեց, որ Հայաստանը չունի ծով, դելֆինները պահվելու են քլորացված ջրում, ինչը կարող է առողջական լուրջ խնդիրների պատճառ դառնալ կենդանիների համար։
«Լողավազանի չափերը, որտեղ պահվելու են կենդանիները, ընդհանրապես չի համապատասխանում աշխարհում ընդունված դելֆինարիումների չափանիշներին»,- ասաց բնապահպանը։
Ադամյանը վկայակոչեց է զարգացած երկրների իշխանությունների որոշումը` դելֆինների շահագործումն արգելելու և դելֆինարիումները փակելու նախաձեռնությունն ու խոստացավ` Հայաստանում ևս թույլ չեն տալու նման հաստատությունների գոյությունը։
