ԵՐԵՎԱՆ, 2 հոկտեմբերի — Sputnik. Հայկական պետհամարանիշներով բեռնատարը շրջվել է ռազմավրացական ճանապարհի երկրորդ կիլոմետրում։ Այս մասին հայտնում է «ՄԻՐ 24» հեռուստաընկերությունը։
Բեռնատարը կենդանիների համար նախատեսված կեր էր տեղափոխում։ Վարորդը չի տուժել։
Պատահարից հետո ոստիկանության ուժերը փորձել են կարգավորել երթևեկությունը, բայց խցանումներից խուսափել չի հաջողվել։ Երթևեկությունը վերականգնվել է, երբ կռունկների միջոցով բեռնատարը բարձրացրել են, իսկ մեքենայից թափված յուղն ու կերը մաքրել են ճանապարհից։
Ռազմավրացական ավտոճանապարհը Ռուսաստանը միացնում է Անդրկովկասի երկրների հետ։ Խորդուբորդ լինելու պատճառով այն աշխարհի վտանգավոր ավտոճանապարհների միջազգային վարկանիշի ցանկում է ներառվել։
