ԵՐԵՎԱՆ, 4 հոկտեմբերի — Sputnik. RT հեռուստաալիքի ու «Ռոսիա սեգոդնյա» ՄՏԳ գլխավոր խմբագիր Մարգարիտա Սիմոնյանը Ուսուցչի օրվան նվիրված ֆլեշմոբի էստաֆետն ընդունել է հայտնի հումորիստ ու դերասան Միխայիլ Գալուստյանից։
Ավելի վաղ Գալուստյանը գրառում էր տեղադրել, որում պատմել էր երեք դասագրքերի մասին, որոնք նրա կրթության ու կյանքի մեջ մեծ դերակատարում են ունեցել։ Դրանք ռուսերենի, պատմության ու կենսաբանության դասագրքերն էին։
Սիմոնյանը հաճույքով ընդունել է էստաֆետը հայրենակցից։
«Ես Կրասնոդարի լավագույն #36 դպրոցում եմ սովորել։ Մեզ անգլերեն էին դասավանդում համալսարանական մակարդակի մանկավարժեր։ Իմ ուսուցիչը` Լոբոդա Իրինա Օլեգովնան, լավագույն մանկավարժն էր, որի մասին կարելի էր երազել։ Այդ դասագրքի ու այս մարդկանց շնորհիվ ես դարձել եմ միջազգային մեդիա–հոլդինգի գլխավոր խմբագիր»,– գրել է Սիմոնյանն Instagram–ի իր էջում։
Նա փոխանցել է էստաֆետը հաղորդավար Comedy Club–ի համահիմնադիր Գարիկ Մարտիրոսյանին, նաև հայտնի գեղասահորդուհի Տատյանա Նավկային։
Ուսուցչի օրը Ռուսաստանում ավանդաբար նշում են հոկտեմբերի 5–ին։
