Մասիսի գարշահոտության պատճառը պարզ կդառնա մի քանի օրից

© Sputnik / Михаил Воскресенский / Անցնել մեդիապահոցВесенняя очистка домов, улиц, мостов и эстакад
Весенняя очистка домов, улиц, мостов и эстакад - Sputnik Արմենիա
Բաժանորդագրվեք
НовостиTelegram
Ո՞վ կամ ի՞նչն է գարշահոտություն տարածում Մասիսում. այս հարցի պատասխանը սեպտեմբերի 27-ից փնտրում են ՀՀ բնապահպանության և ընդերքի տեսչության աշխատակիցները։ Հավանական մեղավորների թվում դիտարկվում են 10 արտադրական ձեռնարկություն։

ԵՐԵՎԱՆ, 10 հոկտեմբերի – Sputnik. Մասիսում տարածված գարշահոտության պատճառը պարզ կդառնա մի քանի օրից։ Այս մասին Sputnik Արմենիային հայտնեցին ՀՀ բնապահպանության նախարարության բնապահպանության և ընդերքի տեսչությունից։

Տեսչական մարմնի մամուլի քարտուղար Վրույր Պեպանյանի խոսքով`հնարավոր մեղավորների շարքում դիտարկվում են 10 արտադրական ձեռնարկություն, որոնցից մի քանիսը գործում են Երևանի տարածքում։

«Բացի Մասիսի տարածքում իրականացված նմուշառումներից, ստուգվելու են նաև այդ 10 ձեռնարկությունների արտադրական թափոնները»,- ասաց Պեպանյանը` հավելելով, որ դրանց փորձաքննության արդյունքները հայտնի կդառնան մի քանի օրից։

Միաժամանակ տեսչությունն առողջապահության նախարարության հետ համատեղ շարունակում է նմուշառումներ իրականացնել հենց Մասիսի տարածաշրջանով անցնող կոյուղուց։

«Այսօր 3-րդ նմուշառումն է կատարվել, առաջինը սեպտեմբերի 27-ին էր, երկրորդը` հոկտեմբերի 3-ին և այսօր։ Թունավոր նյութերի խտության համեմատությունը ցույց է տալիս, որ դրանց քանակն ունի նվազման միտում»,- հայտնեց Վրույր Պեպանյանը։

Канализационные трубы, используемые сельчанами в целях орашения - Sputnik Արմենիա
Գյուղացիները հողամասերը ոռոգել են կոյուղաջրով

Բացի այդ, Մասիս այցելած տեսչության աշխատակիցներն այսօր նոր մանրամասներ են բացահայտել նաև կոյուղաջրերով այգիները ոռոգելու փաստով։

Տեսուչներն այսօր արձանագրել են, որ կոյուղատար խողովակները տարբեր հատվածներում կոտրված են։

«Գյուղացիները դրանք կոտրել են ու ավազի պարկերով ծածկել դիմացը, որպեսզի ջուրը նստվածքներից առանձնանա, բարձրանա, և այդ ջրով ոռոգել են իրենց հողատարածքները»,- պատմեց Պեպանյանը։

Հիշեցնենք` բնապահպանական տեսչությունը երեկ հայտարարել էր, որ Մասիսում տարածված գարշահոտության աղբյուրը բացահայտելու ճանապարհին տեղում աշխատող տեսուչները պարզել էին, որ ամռանը սակավաջրության պատճառով գյուղացիները կոտրել են կոյուղատարներն ու իրենց հողամասերը ոռոգել են կոյուղաջրերով։

Մասիս քաղաքում առկա գարշահոտության հավանական պատճառների թվում շոշափվում է նաև «Նաիրիտ» գործարանը, քանի որ գարշահոտության տարածումը համընկել էր այս գործարանի տարածքում բռնկած հրդեհի հետ։

Լրահոս
0