Թե ինչպես են Լուկաշենկոն, Սարգսյանն ու Ալիևը ժամանակ անցկացրել Սոչիում

© Sputnik / Алексей Дружинин / Անցնել ֆոտոբանկПрезидент Армении Серж Саргсян и президент Белоруссии Александр Лукашенко
Президент Армении Серж Саргсян и президент Белоруссии Александр Лукашенко - Sputnik Արմենիա
Հայաստանի, Բելառուսի և Ադրբեջանի նախագահները հոկտեմբերի 11-ին Սոչիում մասնակցեցին Եվրասիական տնտեսական բարձրագույն խորհրդի և ԱՊՀ մասնակիցների պետությունների ղեկավարների խորհրդի նիստին։

ԵՐԵՎԱՆ, 13 հոկտեմբերի — Sputnik. ԱՊՀ երկրների ղեկավարների գագաթնաժողովում Հայաստանի, Բելառուսի և Ադրբեջանի նախագահներ Սերժ Սարգսյանի, Ալեքսանդր Լուկաշենկոյի և Իլհամ Ալիևի համար ժամանակը զուր չի անցել։ Բելառուսի նախագահ Ալեքսանդր Լուկաշենկոն խոստովանել է, որ Սոչիի հանդիպումն անցել է բավական ուրախ և անկաշկանդ մթնոլորտում, և նախագահները հաճախ «կատակներ են արել իրար հետ»։ Այդ մասին նա պատմել է Մինսկում Ադրբեջանի Միլի մեջլիսի նախագահ Օքթայ Ասադովի հետ հանդիպման ժամանակ, հայտնում է ՌԻԱ Նովոստին։

«Մենք տարբեր ձևաչափերում, տարբեր ձևերով կարծիքներ փոխանակեցինք Սոչիում Իլհամ Հեյդարովիչի հետ։ Բավականին երկար ժամանակ անցկացրինք` մեր հարաբերություններին առնչվող մի շարք հարցեր քննարկելով։ Կզարմանաք, բայց Հայաստանի նախագահի հետ` երեքով, հաճախ էինք միմյանց հետ կատակներ անում, ու քանի քաղաքականության մեջ ընդունված է, ակնարկում էինք այս կամ այն խնդրի լուծումը», — ասել է նա։

Լուկաշենկոն անդչրադարձել է նաև բելառուսա-ադրբեջանական հարաբերություններին` նշելով, որ դրանք բավարար մակարդակում են։

Հաջորդ շաբաթ Ադրբեջանի և Հայաստանի նախագահներ Իլհամ Ալիևն ու Սերժ Սարգսյանը մտադիր են հանդիպել Ժնևում ԼՂՀ հակամարտությանը վերաբերող հարցեր քննարկելու համար։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала