ԵՐԵՎԱՆ, 14 հոկտեմբերի — Sputnik. Ռուսական «Ձայնը» նախագծի կույր լսումների ժամանակ 21 տարեկան Միշել Մստոյանն իր գեղեցիկ ելույթով համալրեց երգչուհի Պելագեայի թիմը։ Նա կատարեց Ջեյմս Ինգրեմի How Do You Keep the Music Playing ստեղծագործությունը։
Միշելի ելույթի ժամանակ առաջինը շրջվեց Ալեքսանդր Գրադսկին, որի խմբում այլևս տեղ չկար, բայց նա նշեց, որ չէր կարող չպտտվել, քանի որ երգիչը շատ մաքուր երգեց։
Միշել Մստոյանը երաժշտական կրթություն ունի։
«Հայերն ամենուր են, հինավուրց, տաղանդավոր ազգ, ամենուրեք նրանք են»,- YouTube-ում հրապարակված ելույթի տեսանյութի տակ գրել է օգտատերերից մեկը։
Նույն օրը կույր լսումների ժամանակ փայլուն ելույթով աչքի ընկավ նաև մեկ այլ հայ` Զաալի Սարգսյանը։ Նա նույնպես հիացրեց ժյուրիի անդամ, կոմպոզիտոր և երգիչ Ալեքսանդր Գրադսկուն։ 28-ամյա երիտասարդը Դոնի Ռոստովից է, աշխատել է հարկային մարմիններում, հետո որոշել է թողնել այդ գործն ու զբաղվել վոկալով։
