Տավուշում լարված իրավիճակ է. քննիչները փնտրում են «Դիլիջան» ազգային պարկի տարածքն այրողներին

© ФОТО: Министерство охраны природыПожар в "Хосровском лесу"
Пожар в Хосровском лесу - Sputnik Արմենիա
Արդեն մի քանի օր է, ինչ Դիլիջանի ազգային պարկի Շամախյան տեղամասին կից բնակավայրերում իրավիճակը լարված է: Քննիչները շարունակում են փնտրել Դիլիջան ազգային պարկի տարածքում անվտանգության աշխատակիցների վրա հարձակված ու նրանց վագոն-տնակը հրդեհած անձանց:

ԵՐԵՎԱՆ, 15 հոկտեմբերի — Sputnik. Տավուշում քննիչնեերը փնտրում են Դիլիջան ազգային պարկի տարածքը հրդեհած անձանց: ՀՀ քննչական կոմիտեի Դիլիջանի բաժնում հարուցվել է քրեական գործ՝ ուրիշի գույքը դիտավորությամբ ոչնչացնելու կամ վնասելու մեղադրանքով:

Пожар в Артаване - Sputnik Արմենիա
Դիլիջանի ազգային պարկում բնապահպանության նախարարին հրդեհով են դիմավորել (նոր մանրամասներ)

Հիշեցնենք, որ հոկտեմբերի 13-ին, ժամը 20:50-ի սահմաններում, մի խումբ անձինք հարձակվել են «Դիլիջան ազգային պարկ» ՊՈԱԿ-ի Շամախյան տեղամասում «Պանտերա սիքյուրիթի» ՍՊ ընկերության պահնորդական ծառայություն իրականացնող երկու աշխատակիցի վրա, քաշքշել նրանց, որից հետո հրկիզել են ընկերությանը պատկանող վագոն-տնակն ու դիմել փախուստի: 

Հիշեցնենք նաև, այդ օրը ՀՀ ԲՆ Արծվիկ Մինասյանն այշխատանքային շրջայց էր իրականացրել Դիլիջան ազգային պարկում: Տնակը հրդեհվել էր նախարարի այդ տեղամաս հասնելուց անմիջապես առաջ:

Ըստ որոշ լուրերի՝ տնակի հրկիզումն ու «Պանտերայի» աշխատակիցների վրա հարձակումը կազմակերպել են հարակից բնակավայրերի բնակիչները, ովքեր դժգոհ են Դիլիջանի անտառում ուժեղացված հսկողությունից և չեն կարողանում հատել ծառերը:

Նշենք, որ շուրջ մեկ ամիս առաջ նույն բողոքը Հաղարծին գյուղի բնակիչներն արտահայտել էին իրենց գյուղով անցնող միջպետական ճանապարհը փակելով՝ պահանջելով թույլ տալ իրենց կարիքների համար անտառից ծառ հատել:

Արծվիկ Մինասյանն այս առիթով հիշեցնում է, որ դեռ նախորդ տարի ազգային պարկում կատարված տեսչական ստուգումների արդյունքում արձանագրվել էր 6300-ից ավել ապօրինի հատված ծառի դեպք:

Горный пейзаж Армении - Sputnik Արմենիա
Մեռած հոգիներ` Դիլիջանի անտառում. ինչպես են հանգուցյալները ծառ հատում

«Աշխատանքներ են տարվել պարկին հարակից համայնքների բնակիչների հետ, որոնք դեռևս էական արդյունքներ չեն տալիս, բայց եթե հասարակության մոտ չձևավորվի անտառը պահպանելու առաջնայնության գիտակցումը, մյուս գործողություններն արդյունավետ չեն լինի, այդ նպատակով համայնքների բնակիչների հետ պետք է ամենօրյա աշխատանքներ տարվեն: Անընդունելի է բնակիչների մի մասի մոտ գերակայող այն մոտեցումը, որ իրենք կարող են անտառն ապօրինի հատել` սեփական եկամուտները ապահովելու նպատակով, և նրանց աջակցում են մարդիկ, ովքեր այդ ցանկությունները օգտագործում են ապօրինի բիզնեսով սեփական եկամուտները ստանալու համար: Առավել ևս, որ հարակից համայքների բնակիչները միշտ ապահովված են եղել թափուկով և տունը տաքացնելու խնդիր չեն ունեցել»,- շեշտել է նախարարը:

«Դիլիջան» ազգային պարկի տնօրեն Արմեն Աբրահամյանն էլ հայտնում է, որ այս տարի բնակիչներին է տրամադրվել 2200 մ³ թափուկ, առաջիկայում նախատեսվում է տրամադրել ևս 1900 մ³:

Արդեն մի քանի ամիս «Դիլիջան» ազգային պարկի պահպանությունն՝ ուժեղացված ռեժիմով, պետության հետ կնքված համագործակցության պայմանագրով իրականացնում է «Պանտերա սեքյուրիթի» մասնավոր պահնորդական կազմակերպությունը:

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала