Բելառուսից Ադրբեջանին զենք մատակարարելն անընդունելի է. Նահապետյան

© Sputnik / Виктор Толочко / Անցնել ֆոտոբանկВоенный парад в честь Дня независимости Белоруссии
Военный парад в честь Дня независимости Белоруссии - Sputnik Արմենիա
Հավաքական անվտանգության ապահովումը` ՀԱՊԿ բոլոր անդամ երկրների համար գերխնդիր է, կարծում է ԱԺ պատգամավոր Կորյուն Նահապետյանը։

ԵՐԵՎԱՆ, 17 հոկտեմբերի — Sputnik.  Հայաստանն անընդունելի է համարում Ադրբեջանին բելառուսական «Պոլոնեզ» համազարկային կրակի ռեակտիվ համակարգերի հավանական մատակարարումը, Sputnik  Արմենիային ասաց ԱԺ պաշտպանության և անվտանգության հարցերի մշտական հանձնաժողովի ղեկավար, ՀՀԿ խմբակցության անդամ Կորյուն Նահապետյանը։

Ադրբեջանական մամուլում ակտիվ քննարկվում է պաշտոնական Բաքվի կողմից բելառուսական «Պոլոնիզ» հրթիռային համակարգերի ձեռքբերման հավանականությունը` Հայաստանի Զինված ուժերի զինանոցում գտնվող «Իսկանդերների» հետ հավասարակշռությունը պահելու համար:

«Ցավալ է, որ, մասնավորապես, ՀԱՊԿ անդամն է զենք վաճառում այն երկրին, որը ագրեսիվ քաղաքականություն է վարում միևնույն կազմակերպության մեկ այլ մասնկցի դեմ։ Այդ մասին պետք է հայտարարել բարձրաձայն», – ասաց Նահապետյանը։

Նրա խոսքով` Ադրբեջանը կարող է զենք գնել տարբեր երկրներից։ Յուրաքանչյուր երկիր ինքն է որոշում, թե Բաքվի հետ ինչպես համագործակցել, այդ թվում նաև ռազմատեխնիկական ոլորտում։

«Մեզ համար սա անընդունելի է։ Մենք միասնական մոտեցում ունենք կազմակերպության շրջանակներում, մեր շահերը պետք է ընդհանուր լինեն անվտանգության ապահովման տեսանկյունից։ Կարևոր չէ, թե դա արևմտյան, արևելյան, թե հարավային ուղղությունն է», – ասաց Նահապետյանը։

Նրա խոսքով` Հավաքական անվտանգության ապահովումը`  ՀԱՊԿ բոլոր անդամ–երկրների համար` գերխնդիր է, և այդ առումով նման քայլը միանշանակ անընդունելի է։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала