Ջիգարխանյան. Չեմ ների երիտասարդ կնոջս, չեմ ուզում անունը լսել

© Sputnik / Сергей Пятаков / Անցնել ֆոտոբանկАктер Армен Джигарханян
Актер Армен Джигарханян - Sputnik Արմենիա
Հայտնի դերասան Արմեն Ջիգարխանյանը պատմել է իրենց ընտանեկան սկանդալի մանրամասները։ Նրա ընկերը հայտնել է, որ դերասանը խորապես հիասթափված է և բաժանվելու է Վիտալինայից։

ԵՐԵՎԱՆ, 17 հոկտեմբերի — Sputnik. Թատրոնի և կինոյի հայտնի դերասան, ԽՍՀՄ ժողովրդավարական արտիստ Արմեն Ջիգարխանյանը, որն այս պահին գտնվում է հիվանդանոցում, հայտարարել է, որ կինը` Վիտալինա Ցիբալյուկ-Ռոմանովսկայան, իրեն մեծ ցավ է պատճառել և նա պատրաստ չէ ներելու նրան, հայտնում է ՌԻԱ Նովոստին։

Армен Джигарханян с супругой Виталиной Цымбалюк-Романовской - Sputnik Արմենիա
Ջիգարխանյանի կինը շփոթված է. «Չգիտեի, որ ամուսինս մտադիր է ինձանից բաժանվել»

«Ամենադժվարն այն է, որ իմ կյանքում վատ բաներ են տեղի ունեցել։ Ես կին ունեի, ինչպես ցանկացած նորմալ մարդ։ Հետո պարզվեց, որ կա՛մ ես նրան դուր չեմ գալիս, կա՛մ նա ինձ… տխուր է, հավատա։ Այժմ դժվար եմ արտասանում նրա ազգանունը, նա ինձ մեծ ցավ է պատճառել, անարդար է վարվել։ Միշտ վախենում եմ, երբ նույնիսկ մտերիմներն են այդքան մոտենում ինձ։ Օյ, ասում եմ, ոչ, թույլ տվեք մտածեմ և որոշում կայացնեմ», — ասելէ Ջիգարխանյանը Անդրեյ Մալախովի «Ուղիղ եթեր» ծրագրի ընթացքում։

Այն հարցին, թե արդյոք դերասանը պատրաստ է ներել կնոջը, նա բացասական պատասխան է տվել։
«Ոչ, հիմա ոչ եմ ասում։ Եվ նույնիսկ, կարծում եմ, որ վստահ եմ իմ ոչի մեջ», — ավելացրեց Ջիգարխանյանը։
Ջիգարխանյանի ընկերը, գործարար Արթուր Սողոմանյանը «Կոմսոմոլսկայա պրավդային» տված հարցազրույցում պատմել է, որ դերասանը կտրականապես տրամադրված է ապահարզան պահանջել Վիտալինայից և կիսել ունեցվածքը։

Հիշեցնենք, որ հոկտեմբերի 14–ին ռուսական ԶԼՄ–ները գրեցին, որ հայազգի ռուսաստանաբնակ դերասան Արմեն Ջիգարխանյանը հոսպիտալացվել է, բայց այս անգամ կտրականապես հրաժարվում է շփվել կնոջ հետ՝ նրան մեղադրելով իրեն սպանելու փորձի մեջ։Կինը՝ Վիտալինա Ցիբալյուկ-Ռոմանովսկայան իր հերթին է ոստիկաններին հաղորդում տվել, որ ամուսնուն անհայտ մարդիկ առևանգել են, որովհետև ցանկանում են զավթել նրա ղեկավարած թատրոնը։

Ինքն էլ ամուսնուն հայտնաբերել է հիվանդանոցում՝ մահամերձ վիճակում։Ավելի ուշ դերասանի քույրը` Մարինան, ասել էր, որ Արմեն Ջիգարխանյանի առևանգման մասին հաղորդումը իրականությանը չի համապատասխանում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала