Երևան VS Անկարա և Բաքու. արդյո՞ք Հայաստանն իր վրա կքաշի «վրացական վերմակը»

© Facebook/Минобороны ГрузииЗакир Гасанов, Владимир Чачибаиа и Улуси Акар
Закир Гасанов, Владимир Чачибаиа и Улуси Акар - Sputnik Արմենիա
Հայաստանը պետք է նվազագույնի հասցնի հավանական ռիսկերը` կապված Վրաստան, Թուրքիա և Ադրբեջան եռակողմ համագործակցության խորացման հետ, կարծում է հայ փորձագետը։

ԵՐԵՎԱՆ, 17 հոկտեմբերի — Sputnik, Լաուրա Սարգսյան. Բաքվի, Թբիլիսիի և Անկարայի համագործակցությունը, հատկապես պաշտպանական ոլորտում, չի կարող չմտահոգել Երևանին։ Հավասարակշռությունը վերականգնելու համար Հայաստանը պետք է անի հնարավոր ամեն բան` Թբիլիսիի հետ ավելի սերտ փոխգործակցության ստեղծելով, կարծում է Հայաստանի պետական կառավարման ակադեմիայի տարածաշրջանային հետազոտությունների կենտրոնի գիտաշխատող, Վրաստանի հարցերով փորձագետ Ջոնի Մելիքյանը։

Թբիլիսիում այսօր տեղի է ունեցել հանդիպում Վրաստանի ԶՈՒ գլխավոր շտաբի պետ, գեներալ–մայոր Վլադիմիր Չաչիբայայի, Ադրբեջանի ՊՆ ղեկավար, գեներալ–գնդապետ Զաքիր Հասանովի և Թուրքիայի ԶՈՒ գլխավոր շտաբի պետ Հուլուսի Աքարի հետ, ինչի արդյունքում համատեղ արձանագրություն է ստորագրվել։

«Հայաստանը պետք է դիվանագիտական մակարդակով ակտիվություն ցուցաբերի` նվազեցնելու համար այն ռիսկերը, որոնք կարող են առաջանալ Վրաստանի, Թուրքիայի և Ադրբեջանի փոխգործակցության խորացման արդյունքում», – Sputnik Արմենիայի թղթակցի հետ զրույցում ասաց Մելիքյանը։

Նրա խոսքով` բարձրաստիճան պաշտոնյաների այսօրվա հանդիպումը` նախարարների մակարդակով, եռակողմ հանդիպումների շարունակությունն է։ Այս հանդիպման լեյտմոտիվը, ինչպես և նախորդներինը, փոխգործակցության ամրապնդումն է, որն ուղղված է տարածաշրջանային անվտանգության ապահովմանը։ Կողմերը համոզված են` անվտանգությունը կապահովի Վրաստանի, Թուրքիայի և Ադրբեջանի մասնակցությամբ ռազմական եռամիությունը։

Город Тбилиси. Грузия - Sputnik Արմենիա
Վրաստանի հայ համայնքի ակտիվությունը. ի՞նչն է խթանում Երևանի ու Թբիլիսիի հարաբերությունները

«Տարածաշրջանում ոչ մի ռազմաքաղաքական կազմակերպություն չի կարող անվտանգություն ապահովել պատշաճ մակարդակով` առանց Հայաստանի մասնակցության։ Բացառություն չէ նաև եռամիությունը», – ասաց Մելիքյանը։

Նրա խոսքով` այս հարցում առաջընթաց հնարավոր է միայն տարածքաշրջանային բոլոր դերակատարների մասնակցության պարագայում։

Վրաստանը, Թուրքիան, Ադրբեջանն այսօր ռազմավարական դաշնակիցներ են։ Նրանք համագործակցում են տարբեր ոլորտներում, այդ թվում նաև` ռազմական։ Դեռևս Վրաստանի երրորդ նախագահ Միխեիլ Սահակաշվիլու օրոք ստեղծվեց եռակողմ համագործակցության ձևաչափը, որտեղ ընդգրկվեցին նաև Բաքուն, Թբիլիսին և Անկարան։

2017 թվականի մայիսին Վրաստանի, Թուրքիայի և Ադրբեջանի պաշտպանության նախարարները թվով հինգերորդ եռակողմ հանդիպման շրջանակներում հանդիպեցին Բաքվում։ Անցյալ տարի այն տեղի ունեցավ Գաբալայում (Ադրբեջան)։

Վրաստանի, Թուրքիայի և Ադրբեջանի մասնակցությամբ եռամիության շրջանակներում անցկացվեցին «Կովկասյան արծիվ» և Eternity-2017 թիմաշտաբային զորավարժությունները, որոնք տեղի ունեցան 2017 թվականի սեպտեմբերին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала