Բաբկեն Պիպոյանը համարում է, որ մսի ու կարագի թանկացման պատճառը գյուղատնտեսության նախարարության ոչ կոմպետենտ աշխատանքն է։ Չկան շուկան վերահսկող զսպաշապիկներ, ինչպես նաև չեն օգտագործվում ամբողջ աշխարհում հայտնի գնաճը զսպող գործիքներ։ Սա, ըստ Բաբկեն Պիպոյանի, ունի երկու բացատրություն` կա՛մ ոլորտը կարգավորողները չեն տիրապետում համապատասխան գիտելիքների, կա՛մ անձնական շահ են հետապնդում։
Ազգային վիճակագրական ծառայության տվյալներով՝ օգոստոսին մայրաքաղաքում տավարի մսի 1 կիլոգրամի միջին գինը կազմել է մոտ 2100 դրամ, ոչխարի մսի գինը նույն շրջանում 2200 դրամ էր, խոզի մսինը՝ մոտ 2600 դրամ: Այսօր տավարի միսը թանկացել է 300-400, ոչխարի միսը՝ 500-600, խոզի միսը՝ 800-1000 դրամով: 1 կգ կարագի գինն, ըստ էության, հասել է մոտ 4200 դրամի՝ նախկին 2800-ի փոխարեն:
«Կաղապարից դուրս» հաղորդումը կարող եք ունկնդրել նաև Sputnik Արմենիա ռադիոկայանի եթերում (FM106.0):
Հաղորդման հեղինակ` Ամալյա Պապյան։
