ԵՐԵՎԱՆ, 20 հոկտեմբերի — Sputnik. Ալբանիայի Դուրես քաղաքում շարունակվում է ծանրամարտի Մ 20 և Մ 23 տարեկանների Եվրոպայի առաջնությունը: 85 կգ քաշային կարգում Հայաստանի ներկայացուցիչ Անդրանիկ Կարապետյանը (Մ 23) երկամարտի 360 կգ արդյունքով դարձավ Եվրոպայի չեմպիոն: Այս մասին հայտնում է Հայաստանի ազգային օլիմպական կոմիտեի մամուլի ծառայությունը։
Պոկում վաժություններում հայ ծանրորդը անգերազանցելի էր՝ 170 կգ: Հրումում Կարապետյանը կարողացավ ֆիքսել 190 կգ՝ զբաղեցնելով երկրորդ տեղը:
Այսպիսով, Անդրանիկ Կարապետյանը նվաճեց մեծ ոսկե և մեկական փոքր ոսկե ու արծաթե մեդալներ:
Այսօր մրցահարթակ կմտնեն նաև Կարուշ Ղուկասյանը (94 կգ) և Տաթև Հակոբյանը (90 կգ):
