ԵՐԵՎԱՆ, 20 հոկտեմբերի — Sputnik. Հանրահայտ դերասան, ԽՍՀՄ ժողովրդական արտիստ Արմեն Ջիգարխանյան կինը` Վիտալինա Ցիմբալյուկ-Ռոմանովսկայան, պատասխանել է գողության և չարաշահումների մեղադրանքներին։
Ջիգարխանյանի ու Ցիմբալյուկ-Ռոմանովսկայայի շուրջ ծավալված աղմկահարույց պատմությունն ամեն օր նոր ընթացք է ստանում։ Դերասանը հոկտեմբերի 10-ից գտնվում է Մոսկվայի 57-րդ քաղաքային հիվանդանոցում։ Նրա առողջական վիճակը միջին ծանրության է։ Հայտնի է, որ 82-ամյա դերասանը պատրաստվում է բաժանվել 38-ամյա կնոջից։ Այդ փաստը հաստատել է նաև Ջիգարխանյանի ընկերը` Արթուր Սողոմոնյանը` շեշտելով, որ Ջիգարխանյանի ամբողջ ունեցվածքը կնոջ անունով է գրանցված։
Ջիգարխանյանի շուրջ աղմուկը չի լռում. դատահոգեբանական փորձաքննություն կլինի՞
«Չեմ կարողանում պատկերացնել, թե ինչ հանգամանքներում կարող էին Արմեն Բորիսովիչին ցուցադրել խալաթով, ինչ-որ անհասկանալի բաներ ասելիս։ Դեռ չեմ կարող մեկնաբանել։ Չգիտեմ` ինչ վիճակում է նա։ Դեռ չեմ կարողանում հասկանալ` ինչպես կարող էր այսպիսի բան տեղի ունենալ»,- ասել է Վիտալինան։
Նա ասել է, որ իրենց հարաբերութուններում որևէ հաշվարկ չէր կարող լինել` հաշվի առնելով, թե բազմաթիվ ինսուլտներից հետո ինչ վիճակում է «իրեն հասել Ջիգարխանյանը»։
«Եթե ես նրա կողքին չլինեի, մենք նրան վաղուց կորցրած կլինեինք»,- ասել է Վիտալինան։
Նա վստահ է, որ դերասանի այսօրվա էմոցիոնալ վիճակից կարող էին օգտվել կողմնակից մարդիկ։
Արմեն Ջիգարխանյան. «Կինս չի թողնում ինձ թատրոն մտնել, սա մաֆիա է»
Ցիմբալյուկ-Ռոմանովսկայան պատմել է, որ չի կարողացել է գնալ այն հիվանդանոց, որտեղ գտնվում է ամուսինը, իսկ Ջիգարխանյանի հեռախոսահամարն էլ փոխվել է։
«Ինձ թույլ չտվեցին մտնել հիվանդանոց` ասելով, թե իբր ինձ չի ուզում տեսնել։ Մինչև հիմա չեմ հավատում այդ ամենին։ Համարում եմ, որ դա սադրանք է և մանիպուլյացիա»,- ասել է նա։
Արմեն Ջիգարխանյանը` կնոջ մասին. «Նա գող է և իրեն ստորաբար պահեց»
ԽՍՀՄ ժողովրդական արտիստ Արմեն Ջիգարխանյանը ծնվել է 1935 թվականի հոկտեմբերի 3-ին Երևանում: Թատրոնում և կինոյում մարմնավորած կերպարների թիվը հասնում է 250-ի: Նրա խաղացած ամենահայտնի ֆիլմերից են «Բարև, ես եմ», «Ճայը», «Անորսալիների նոր արկածները», «Պարտիզպանի շունը», «Մրցանակ», «Երբ գալիս է սեպտեմբերը», «Բարև ձեզ, ես ձեր մորաքույրն եմ», «Հանդիպման վայրը փոխել չի կարելի», «Թեհրան-43», «Նիկոլո Պագանինի», «Անձնագիրը», «Արքայասպանը»։
