00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
6 ր
Ուղիղ եթեր
09:28
6 ր
Ուղիղ եթեր
12:00
6 ր
Ուղիղ եթեր
13:00
5 ր
Ուղիղ եթեր
14:00
7 ր
Ուղիղ եթեր
17:00
6 ր
Ուղիղ եթեր
18:00
6 ր
Ուղիղ եթեր
19:00
6 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Ի՞նչն է զայրացրել Ադրբեջանին. Սարգսյանն անհամբեր սպասում է Ալիևի հետ հաջորդ հանդիպմանը

© Пресс-служба Президента РАПрезиденты Армении и Азербайджана Серж Саргсян и Ильхам Алиев
Президенты Армении и Азербайджана Серж Саргсян и Ильхам Алиев - Sputnik Արմենիա
Բաժանորդագրվել
Սերժ Սարգսյանն անհամբերությամբ է սպասում ադրբեջանցի գործընկերոջ հետ հանդիպմանը` հարցնելու համար, թե ինչն է ադրբեջանական կողմին զայրացրել վերջին հանդիպումից հետո։

ԵՐԵՎԱՆ, 24 հոկտեմբերի — Sputnik. ՀՀ նախագահ Սերժ Սարգսյանի համար շատ տարօրինակ իրավիճակ է ստեղծվել, երբ ժնևյան բանակցություններից հետո ադրբեջանական կողմը մի հատուկ չարությամբ փորձել է շեշտել, որ նա ինչ-որ պայմանավորվածություններ է խախտել: Ինչպես հայտնում է ՀՀ նախագահի մամուլի ծառայությունը, Սերժ Սարգսյանն այսօր այս մասին խոսել է ՊՆ Պաշտպանական ազգային հետազոտական համալսարանի կրթական նոր ծրագրի մեկնարկն ազդարարող նիստում` անդրադառնալով Ադրբեջանի նախագահ Իլհամ Ալիևի հետ հոկտեմբերի 16-ին կայացած ժնևյան հանդիպմանը հաջորդած իրադարձություններին։

«Անկեղծորեն տարօրինակ է, և ես մեր հաջորդ հանդիպմանը շատ անհամբեր սպասում եմ, որպեսզի իմ գործընկերոջը հարցնեմ, թե ինչն է նրանց զայրացրել: Ընդ որում՝ խոսում են մարդիկ, ովքեր, փաստորեն, ընդհանրապես տեղյակ չպետք է լինեն մեր խոսակցությանը, որովհետև մենք երկուսով ենք խոսել, և եթե մենք պայմանավորվածություն ենք ունեցել որևէ մեկին չասելու, ապա ինչպե՞ս են իր օգնականները, կամ, չգիտեմ, տեղակալները և այլն, թեմային ծանոթացել»,- ասել է Սարգսյանը։

Նշենք, որ Ադրբեջանի նախագահի աշխատակազմի արտաքին կապերի բաժնի պետ Նովրուզ Մամեդովը Հայաստանի և Ադրբեջանի նախագահների ժնևյան հանդիպումից հետո հայտարարել էր, որ «Հայաստանի նախագահը խախտել է Ղարաբաղի շուրջ համաձայնությունները և չի պահել խոստումը»։

«Հավատացնում եմ՝ մեր խոսակցությունից ես կես բառ անգամ որևէ տեղ չեմ ասել: Իսկ ի՞նչ եմ ասել Շվեյցարիայի հայ համայնքի հետ հանդիպմանը՝ ես ասել եմ, որ որևէ հայ ղեկավար չի կարող փաստաթուղթ ստորագրել, որը խաթարելու է Լեռնային Ղարաբաղի անվտանգությունը: Սա՝ մեկ: Երկրորդ՝ ես ասել եմ, որ Ղարաբաղն Ադրբեջանից դուրս պետք է լինի: Եվ երրորդ՝ ասել եմ, որ Ադրբեջանի նախագահն էլ է մտահոգված իր զինվորների անվտանգությամբ և զոհվելով: Այսինքն՝ այստեղ որևէ նոր բան կա՞: Ես կրկնել եմ այն, ինչ 20 տարի ասում եմ, ինչ 25 տարի մենք խոսում ենք»,- ասել է ՀՀ նախագահը:

Президент Армении Серж Саргсян - Sputnik Արմենիա
Սերժ Սարգսյան. «Կամ բանակցում ենք, կամ էլ՝ կրակում. երկուսին էլ մենք պատրաստ ենք»

Սարգսյանը ևս մեկ անգամ ընդգծել է, որ ժնևյան իրադարձություններին հաջորդած հայտարարությունը շատ տարօրինակ էր։

«Այսինքն, եթե որևէ մեկին թվում էր, թե եթե մենք Ժնևում բանակցել ենք, ասել ենք և հայտարարություն ենք ընդունել, որ լարվածությունը պետք է թուլանա՝ դա չի նշանակում, որ Ղարաբաղի անկախության ձգտումն էլ պետք է թուլանա: Անկեղծ ասած, ինձ համար շատ տարօրինակ է»,- ասել է նա:

Սարգսյանն ընդգծել է` մենք վրեժի և կոլեկտիվ պատժի գործողություններ չենք իրականացրել, չենք իրականացնում և չենք էլ իրականացնելու: Սակայն ամեն մի ռազմական կորստի դիմաց լինելու է հակառակ կողմի զինվորականների դեմ ուղղված հատուցման գործողություն:

«Լեռնային Ղարաբաղի հակամարտությունը էթնիկական և կրոնական բնույթ չի կրում: Մենք որևէ խնդիր չունենք ո՛չ ադրբեջանցի ժողովրդի, ո՛չ էլ առավել ևս մահմեդական կրոնի հետ: Մենք վստահ ենք, որ ադրբեջանցի ժողովուրդը խաղաղություն է ցանկանում, պարզապես այդ ցանկությունը պետք է ճիշտ հունի մեջ գցել»,- ասել է Սարգսյանը:

ՀՀ նախագահը շեշտել է` Արցախի ազատագրական շարժման ամենաառաջին իսկ օրվանից հայկական կողմն ամեն ինչ արել է այդ պահին գործող օրենքի և միջազգային իրավունքի շրջանակներում:

Լրահոս
0