ԵՐԵՎԱՆ, 29 հոկտեմբերի — Sputnik. Հանրահայտ թենիսիստուհի Սերենա Ուիլյամսը մի տեսանյութ է հրապարակել, որում նրա երկու ամսական դուստրը շատ ուշադիր հետևում է շվեյցարացի թենիսիստ Ռոջեր Ֆեդերերի խաղին։
«Ի՞նչ ես նայում։ Քեզ դո՞ւր է գալիս` ինչպես է խաղում Ռոջերը»,- փոքրիկին հարցնում է Սերենան։
Ուշադրություն չդարձնելով մոր հարցին` փոքրիկը շարունակում է հետևել էկրանին։
«Մեծ սաղավարտի» մրցումների 23-ակի հաղթող Սերենա Ուիլյամսը և ամերիկահայ գործարար, Reddit-ի համահիմնադիր Ալեքսիս Օհանյանը ծնող դարձան 2017 թվականի սեպտեմբերին։ Ծնվեց նրանց գեղեցկուհի դուստրը` Օլիմպիան, որը կշռում էր 3 090 գրամ։
