ԵՐԵՎԱՆ, 1 նոյեմբերի–Sputnik. Մեղրիի մաքսակետում հայտնաբերել են շուրջ 105 կգ «հերոին» տեսակի թմրանյութ ու կանխվել դրա ներկրումը հանրապետություն:
Սա պարզվել է պետական եկամուտների կոմիտեի նախաբացթողումային հսկողության ու մաքսանենգության դեմ պայքարի վարչությունների համատեղ իրականացրած միջոցառումների արդյունքում։ Այս մասին հայտնում են ՊԵԿ մամուլի ծառայությունից։
Ռենտգեն զննության է ենթարկվել Իրանից Հայաստան ժամանած Թուրքիայի քաղաքացի Ֆերդի Օզդեմիրիի վարած «DAF» մակնիշի սառնարանային բեռնատարը, որն այնուհետև ուղեկցվել է Երևան՝ մաքսային պահեստ։
Այնտեղ էլ իրականացվել է տրանսպորտային միջոցի մանրակրկիտ զննում: Բեռնախցիկում նախապես պատրաստված թաքստոցից հայտնաբերվել է 105 կգ «հերոին» տեսակի թմրանյութ: Նախապատրաստված նյութերը փոխանցվել են ԱԱԾ քննչական ծառայությանը՝ վարույթ իրականացնելու նպատակով:
