ԵՐԵՎԱՆ, 2 նոյեմբերի — Sputnik. Ռուսական լրատվամիջոցները, հղում անելով պաշտոնական Բաքվին, այսօր տեղեկացրել են, որ Հայաստանի և Ադրբեջանի արտգործնախարարներ Էդվարդ Նալբանդյանը և Էլմար Մամեդյարով ղարաբաղյան կոնֆլիկտի հերթական քննարկման համար կհանդիպեն նոյեմբերի 16–ին, Մոսկվայում։
ՀՀ ԱԳՆ մամուլի խոսնակ Տիգրան Բալայանը Sputnik Արմենիայի հետ զրույցում չհաստատեց այս ինֆորմացիան։ «Նախարարների հանդիպման տեղի և ժամկետների մասին հստակ ինֆորմացիա տիրապետելու դեպքում, անպայման, պաշտոնական հայտարարություն կարվի»,–ասաց Բալայանը։
Հիշեցնենք, որ Նալբանդյան– Մամեդյարով վերջին հանդիպումը կայացել է այս տարվա սեպտեմբերի 23-ին, Նյու Յորքում, ՄԱԿ-ի Գլխավոր վեհաժողովի նստաշրջանի շրջանակներում։
