ԵՐԵՎԱՆ, 2 նոյեմբերի – Sputnik. Ռուսաստանի քաղաքացիները սկսել են ավելի հաճախ այցելել Հայաստան ԱՄՆ-ի վիզաների համար: Այս մասին BFM.ru պորտալին տված հարցազրույցում հայտնել է Ռուսաստանի տուրիստական միության մամուլի քարտուղար Իրինա Տյուրինան:
Օգոստոսի վերջին Ռուսաստանի ԱԳՆ-ն պահանջեց ԱՄՆ-ից կտրուկ նվազեցնել դեսպանատան և հյուպատոսական անձնակազմի թիվը: Նոր վիզաների տրամադրման կարգը կասեցվել է օգոստոսի 23-ից և վերսկսվել սեպտեմբերի 1-ին միայն Մոսկվայում, սակայն հարցազրույցների բոլոր նախորդ գրառումները չեղյալ են հայտարարվել:
«Մեր քաղաքացիները ԱՄՆ-ի վիզաների համար ավելի հաճախ այցելում են Հայաստան, Լատվիա, Էստոնիա, Ռիգա»,- ասել է Տյուրինան:
Ըստ նրա՝ վիզաների տրամադրման դադարեցումից հետո զբոսաշրջիկների հոսքը կրճատվել է 60-70%: Մինչև 2017 թվականի օգոստոսը դեսպանատունը տրամադրում էր 1200 ԱՄՆ վիզա: Այժմ նրանք գործնականում ոչ ոքի վիզա չեն տալիս, բացառությամբ նրանց, ովքեր գնում են սովորելու:
