ԵՐԵՎԱՆ, 2 նոյեմբերի — Sputnik. Հոկտեմբերի 23-27-ը կատարված շրջայցերի արդյունքում ՀՀ բնապահպանության նախարարությանը բնապահպանության և ընդերքի տեսչական մարմինը հայտնաբերել է բնությանը հասցված 41.408.900 ՀՀ դրամի վնաս:
Ամենամեծ վնասը բնությանը հասցրել են ծառագողերը։ Միայն Լոռու մարզի անտառներում հայտնաբերվել է ավելի քան 1000 ապօրինի հատված ծառ, որով շրջակա միջավայրին հասցվել է 41 003 300 ՀՀ դրամի վնաս։
Ծառեր են հատվել նաև Տավուշի, Կոտայքի, Երևանի տարածքում։
Կոտայքի, Շիրակի, Արագածոտնի մարզերում հայտնաբերվել են ավազի ապօրինի տեղափոխման, Սյունիքում, Գեղարքունիքում, Արմավիրում` ապօրինի ձկնորսության դեպքեր։
