ԵՐԵՎԱՆ, 3 նոյեմբերի-Sputnik. Երևանի հիվանդանոցներից մեկում մահացել է «Հոկտեմբերի 27»-ի գործով ցմահ ազատազրկման դատապարտված Էդուարդ Գրիգորյանը։ Լուրը Sputnik Արմենիայի հետ զրույցում հաստատեց Արդարադատության նախարարության քրեակատարողական ծառայության խոսնակ Գոռ Ղլեչյանը:
«Նա ուներ սրտի շրջանում ցավեր։ Մինչ այդ էլ արդեն վիրահատության էր ենթարկվել ու հետվիրահատական բուժում ստացել»,–ասաց Ղլեչյանը։
2003 թվականի դեկտեմբերի 2-ին Երևանի Կենտրոն և Նորք-Մարաշ համայնքների առաջին ատյանի դատարանը «Հոկտեմբերի 27»-ի գործով ցմահ ազատազրկման դատապարտեց Նաիրի Հունանյանին և նրա 5 հոգանոց հանցախմբին։
Նրանցից Վռամ Գալստյանը ինքնասպանություն գործեց, Համլետ Ստեփանյանը հանկարծամահ եղավ, իսկ Նորայր Եղիազարյանը Նուբարաշենի մեկուսարանում էլեկտրահարվեց։
