Մելիք Կարապետյան
Մելիք Կարապետյանը նշում է` չպետք է մոռանալ, որ կինոարտադրությունը թանկ պրոցես է` կես միլիոն դոլարից ցածր արտադրությունը համարվում է փոքր բյուջետային ֆիլմ։
«Սա այն պատճառներից մեկն է, ըստ որի պետությունը պետք է աջակցի ոլորտին, որպեսզի այն կարողանա զարգանալ։ Իմ հիմնական սպասելիքն այն էր, որ պետությունը ստեղծեր մի օրենք, որը հարկերից կազատեր արտադրողին և հնարավորություն կտար այս ոլորտը գրավիչ դարձնել ներդրողների համար, ինչպես եղավ Ռուսաստանում»,- ասաց կինոգետը։
Ըստ նրա` հաջողված ֆիլմը կարող է մեծ դեր ունենալ նաև երկրի զբոսաշրջության ոլորտում։ Այդ ամենը հաշվի առնելով` շատ երկրներ իրենց քաղաքականությունը փոխում են հօգուտ կինոարտադրության։
