ԵՐԵՎԱՆ, 6 նոյեմբերի — Sputnik. ԱՄՆ-ի Ինդիանա նահանգի նահանգապետ Էրիկ Հոլկոմբը դատապարտել է 1915 թվականին Օսմանյան կայսրության կողմից հայերի, ասորիների, հույների ոչնչացումը տեղեկացնում է Ամերիկայի Հայ Դատի գրասենյակը:
BREAKING: #Indiana 48th US State to recognize #Armenian #Genocide, a crime that "still requires justice" https://t.co/w0v9YkKHEL https://t.co/aOpgnRzCAB
— ANCA (@ANCA_DC) 6 ноября 2017 г.
Նահանգապետը հանդես է եկել այդ մասին հռչակագրով, և Ինդիանան դարձել է Հայոց ցեղասպանությունը ճանաչած 48-րդ նահանգը:
Փաստաթղթում հիշատակվում է 19-րդ և 20-րդ դարերի ցեղասպանությունները, մասնավորապես, հիշատակվում է Մերձավոր Արևելքում քրիստոնյաների ոչնչացման փաստերը Իսլամական պետության կողմից։
«Ճանաչելով ու միշտ հիշելով Հայոց ցեղասպանությունը, Հոլոքոստը և այլ հանցագործություններ, մենք օգնում ենք պատմական հիշողությունը պաշտպանելուն, այնպես ենք անում, որ նման գազանությունները չկրկնվեն»,- ասված է հռչակագրում։
Նահանգապետ Հոլկոմբը նոյեմբերի 6-12-ը հայտարարել է «Հայաստանի շաբաթ»։
Ավելի վաղ հայերի ցեղասպանությունը ճանաչել է Այովա նահանգը։
