Արագության սիրահար Բաղդասարյանն առանց ղեկի չի մնա. էպիլեպսիան կեղծ էր. փաստաբան

© Sputnik / Валерий Мельников / Անցնել մեդիապահոցСтритрейсерша Мара Багдасарян
Стритрейсерша Мара Багдасарян - Sputnik Արմենիա
Բաժանորդագրվեք
НовостиTelegram
Ռուսաստանի փողոցներում ցուցադրած «քաջագործություններից» հետո հայտնի դարձած Մառա Բաղդասարյանը կարող է ավտոմեքենա վարել։

ԵՐԵՎԱՆ, 7 նոյեմբերի — Sputnik. Բժշկական եզրակացությունը հաստատել է, որ փողոցային մրցարշավների սիրահար Մառա Բաղդասարյանը կարող է մեքենա վարել։ Այս մասին գրում է Газета.ру —ն` հղում անելով Բաղդասարյանի փաստաբան Դավիթ Կեմուլարիային։

Եզրակացությունը տվել է Մոսկվայի առողջապահության դեպարտամենտի բժշկական հանձնաժողովը։ Ըստ այդ եզրակացության` Մառային հակացուցված չէ ավտոմեքենա վարել։

Կեմուլարիան անդրադարձել է նաև նոյեմբերի 5-ին տեղի ունեցած դեպքին, երբ ճանապարհային ոստիկանները կանգնեցրել էին Մառայի վարած ավտոմեքենան։

«Նա ղեկի դիմաց է նստել, որովհետև ոստիկանության աշխատակիցները չեն հետևում օրենքին։ Նա Մոսկվայի առողջապահության դեպարտամենտի բժշկական հանձնաժողովի եզրակացությունն ունի, որում նշված է` ավտոմեքենա վարելու հակացուցումներ չկան։ Նրան մի ամբողջ շաբաթ, օրական վեց ժամ հետազոտել են»,- ասել է փաստաբանը։

Կեմուլարիայի խոսքով` Մառայի մոտ էպիլեպսիա չի հայտնաբերվել, ինչի մասին խոսվել էր ավելի վաղ։ Նա ավելացրել է, որ այդ փաստաթղթերն արդեն ավելի քան մեկ շաբաթ է ` Մառային ձեռքում են, բայց ճանապարհային ոստիկանության աշխատակիցները չեն ուզում ուշադրություն դարձնել դրանց վրա։

Мара Багдасарян - Sputnik Արմենիա
Խուլիգան հայուհու նոր արկածները. Մառա Բաղդասարյանը չի վախենում պատժից

Տվերի մարզի պետավտոտեսչությունում, որտեղ պահվում է Մառայի վարորդական իրավունքը, անտեսում են փաստաթղթերը, թեև ըստ օրենքի` նրանք պարզապես պարտավոր են վերադարձնել այն, ասել է Կեմուլարիան։

«Նրան որևէ մեկը չի զրկել վարորդական իրավունքից, պարզապես դադարեցրել են։ Իսկ այս դեպքում դատական նոր նիստեր պետք չեն, բավական է միայն Ճանապարհային ոստիկանություն տանել փաստաթղթերն այն մասին, որ տրանսպորտային միջոց վարելու համար հակացուցում չկա, և փաստաթղթերը պետք է վերադարձնեն։ Իսկ մեզ Տվերից ուղարկում են Մոսկվա, որտեղ գրանցված է Մառան։ Մոսկվայում ասում են` մենք հասկանում ենք, որ վարորդական իրավունքը պետք է վերադարձնենք, բայց այն պահվում է Տվերում, մենք տալ չենք կարող»,- ասել է փաստաբանը։

Մառա Բաղդասարյանը 2016 թվականի մայիսին հայտնի է դարձել որպես Gelandewagen-ով սկանդալային մրցավազքի մասնակից։ Նրան ձերբակալել են 2016 թվականի նոյեմբերին Մոսկվայի Լենինի անվան պողոտայում։

Ոստիկանության աշխատակիցները վարչական տուգանք են նշանակել սխալ կայանած ավտոմեքենայի համար, սակայն փաստաթղթերը ստուգելու ընթացքում տեսուչները հայտնաբերել են, որ աղջիկը չի վճարել 16 տուգանք։ Ավելի ուշ նա դատապարտվել է ուղղիչ աշխատանքներից խուսափելու համար կեղծ հիվանդության թերթիկ ներկայացնելու պատճառով։

Լրահոս
0