Մարտական դրոններն Արցախում. Իսրայելը որոշել է Հայաստանին բացատրություն տա՞լ

© AFP 2022 / JONATHAN NACKSTRANDИзраильский беспилотник IAI Heron
Израильский беспилотник IAI Heron - Sputnik Արմենիա
Բաժանորդագրվեք
Իսրայելում Հայաստանի ԱԳ նախարարին նոր մանրամասներ կներկայացնեն հայկական դիրքերում այս ամառ իսրայելական անօդաչու – կամիկաձեների փորձարկման վերաբերյալ։

ԵՐԵՎԱՆ, 7 նոյեմբերի — Sputnik. ՀՀ արտաքին գործերի նախարար Էդվարդ Նալբանդյանի այցը ոչ ստանդարտ է, ասաց քաղաքագետ, «Իսրայել-Հայաստան» միջազգային հասարակական ֆորումի համանախագահ, դոկտոր Ալեքսանդր Ցինկերը Sputnik Արմենիա մուլտիմեդիոն մամուլի կենտրոնում Իսրայելի հետ տեսակամրջի ժամանակ։

«Կա վարկած, որ Նալբանդյանի` Իսրայել մեկնելու պատճառներից մեկը կարող է լինել այն, որ երկրի վարչապետը հրապարակել է այն միջադեպի մանրամասները, որը տեղի է ունեցել Ադրբեջանի կողմից իսրայելական դրոնների կիրառմամբ»,– կարծում է Ցինկերը։

Միջադեպը տեղի է ունեցել ամռանը, երբ Բաքու է ժամանել Aeronautics Defense Systems–ի պատվիրակությունը` Orbiter 1K անօդաչու թռչող սարքերի մատակարարման գործարքը քննարկելու նպատակով։ Ադրբեջանական զինվորականները խնդրել են, որպեսզի նոր տեխնիկայի հնարավորությունները ցուցադրվեն հայկական բանակի դեմ ուղղված իրական մարտական գործողությունների ընթացքում ու մերժում են ստացել։

Александр Цинкер - Sputnik Արմենիա
Նալբանդյանի այցը չի լուծի դեսպանատուն բացելու հարցը. Ցինկեր

Ցիների խոսքով` քննարկման ևս մեկ թեմա կարող է դառնալ Մերձավոր Արևելքի վիճակը։

Նա Նալբանդյանի այցը ոչ ստանդարտ է անվանել նաև այն պատճառով, որ մինչ այժ հայտնի չէ օրակարգն ու միջոցառումների ցանկը։

«Հայտնի է, որ տվյալ ասուլիսի ժամանակ Նալբանդյանը Երուսաղեմում Հոլոքոստի թանգարանում էր գտնվում»,– ասաց Ցինկերը։

Նալբանդյանի այցը Իսրայել բեկումնային է համարում հայ-իսրայելական հարաբերությունների փորձագետ, արտակարգ և լիազոր դեսպան Արման Նավասարդյանը։

«Դա ևս մեկ քայլ է դիվանագիտական հարաբերությունների 25 տարվա բացը լրացնելու ուղղությամբ», – Sputnik Արմենիա մամուլի կենտրոնում ասաց Նավասարդյանը։

ՀՀ արտաքին գործերի նախարար Էդվարդ Նալբանդյանը նոյեմբերի 6–ին երկօրյա այցով Իսրայել է մեկնել Իսրայելի ԱԳ նախարար ու երկրի վարչապետ Բենյամին Նեթանյահուի հրավերով։

Նա արդեն հանդիպել է Իսրայելի կառավարության, Խորհրդարանի ու Երուսաղեմում հայ հոգևորականության ներկայացուցիչների հետ։ Քնեսեթի խոսնակ Յուլի Էդելշտեյնի ու փոխխոսնակ Տալի Պլոսկովի հետ հանդիպման ժամանակ կողմերը նաև քննարկեցին Իսրայելի կողմից Հայոց ցեղասպանության ճանաչման հարցը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала