Մենք անժամկետ դասադուլ ենք հայտարարել, ասաց տարկետման վերացման դեմ ուսանողների բողոքի ակցիայի նախաձեռնող խմբի անդամ Դավիթ Պետրոսյանը։
Նա նշեց, որ որոշ դեկաններ իրենց ակցիան մեկնաբանում են այնպես, թե, իբր՝ դեմ են զինվորական ծառայությանը։ Մինչդեռ այդպիսի մեկնաբանությունը անբարոյական քայլ է համարում Դավիթ Պետրոսյանը՝ ասելով, որ այդ կերպ նրանք հարցն այլ դաշտ են տանում, իրականությունից շեղվում են։
Ակցիայի մասնակիցը նաև հայտնեց, որ հանդիպել են ԿԳՆ նախարարի հետ, սակայն համոզվել են, որ այդ նախարարության հետ ընդհանուր եզրեր չեն կարող ունենալ, քանի որ նախարարը հստակ ասել է, որ տարկետման վերացման մասին օրենքի նախագծի հետևում քաղաքական հզոր ուժ է կանգնած, որն օրինագիծը կընդունի։
Զրույցը վարեց Դիանա Հարությունյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։
