ԵՐԵՎԱՆ, 22 նոյեմբերի — Sputnik. Թբիլիսիում իրականացված հակաահաբեկչական գործողության արդյունքում ձերբակալվել է ահաբեկչական կազմակերպությունների հետ ենթադրյալ կապի մեջ գտնվող երկու օտարերկրացի: Այս մասին հայտնում է Sputnik Գրուզիան` հղում անելով Ազգային անվտանգության ծառայությանը։
Գիշերը կրակոցներ են լսվել։ Հենց գիշերը սկսված հատուկ գործողությունները շարունակվում են մինչև հիմա։
«Ազգային անվտանգության հակաահաբեկչական ծառայությունը հատուկ գործողություններ է իրականացնում Գաբրիել Սալոսկով վանականի փողոցում։ Կասկածյալները թաքնվել են բնակելի շինության 6-րդ հարկում ու կրակ բացել հատուկջոկատայինների ուղղությամբ»,–ասված է հաղորդագրության մեջ:
Նշվում է, որ գործողության իրակացման վայրում կրակոցների ու պայթյունների ձայներ են լսվել:Իրավապահ մարմինների տեղեկացմամբ` հակաահաբեկչական գործողություններ կատարվող շենքի բնակիչներին վտանգ չի սպառնում, որովհետև նրանք տարհանվել են:
