ԵՐԵՎԱՆ, 28 նոյեմբերի — Sputnik. Գառնիի տաճարին հարակից առևտուր անող 40-ամյա Նարինե Պ.-ն նոյեմբերի 26-ին հրավիրվել է ոստիկանություն, որտեղ խոստովանել է, որ երեք տարբեր անձանցից գնված ապրանքների դիմաց վճարել է 5.000 և 1.000 ռուբլիանոց կեղծ թղթադրամներով։ Այս մասին հայտնում է ՀՀ ոստիկանության մամուլի ծառայությունը։
Գառնիում առևտրով զբաղվող կանանցից մեկն էլ ոստիկաններին պատմել է, որ մի անծանոթ մի կին նախորդ օրը Գառնիի տաճարի մոտ գտնվող իր տաղավարից գնել է 6 տոպրակ ընկույզի միջուկ, 2 սուջուխ, կես լիտր տարողությամբ 2 բանկա մեղր, որոնց դիմաց իրեն վճարել է 44.000 ռուբլի կեղծված թղթադրամներով ։
Գառնիի տաճարի հարակից մեկ այլ տաղավարի առևտրականներից մեկն էլ հայտնել է, որ նույն կինն իրենից էլ 6 մրգային լավաշով ռուլետ է գնել` վճարելով 1.000 ռուբլիանոց 1 կեղծ թղթադրամ:
Ոստիկանությունը հայտնում է, որ քննությունն այդքանով դեռ չի ավարտվել։
