ԵՐԵՎԱՆ, 28 նոյեմբերի — Sputnik. Վիտալինա Ցիմբալյուկ-Ռոմանովսկայան ժողովրդական արտիստ Արմեն Ջիգարխանյանին երկար ու տանջալից մահ է մաղթել։ НТВ հեռուստաընկերությանն այս մասին պատմել է դերասանի առաջին կինը` Տատյանա Վլասովան։
«Վիտալինա Ցիմբալյուկ-Ռոմանովսկայան զանգել էր ինձ և լեգենդար արտիստի հասցեին հրեշավոր բառեր ասել. «Փոխանցեք, որ ես նրան երկար ու տանջալից մահ եմ մաղթում։ Նա միշտ էլ շահով է առաջնորդվել և ոչ միայն անպատկառ է, այլև փտած մարդ»,- ասել է Վլասովան։
Միաժամանակ նշել է, որ պատրաստ է ընդունել նախկին ամուսնուն։
«Կարծում եմ, որ երբ այս ամբողջ պատմությունն ավարտվի, նա կվերադառնա»,-ասել է Վլասովան։
Ավելի վաղ Վիտալինայի ներկայացուցիչը հայտարարել էր, որ ամուսնալուծությունից հետո Ջիգարխանյանի երիտասարդ կինը պատրաստվում է ամուսին գտնել և երեխա ունենալ։
