ԵՐԵՎԱՆ, 2 դեկտեմբերի — Sputnik. Ադրբեջանի քաղաքացի Այսել Է.-ն սպանել է 34 տարեկան ամուսնուն` Ումիդ Հոկերին։ Այս մասին հայտնում են թուրքական լրատվամիջոցները։
Դեպքը տեղի է ունեցել Թուրքիայի Քոնիա քաղաքում։ Ամուսնուն սպանած կինը 27 տարեկան է։
Նշվում է, որ կինը մոտ 50 մետր վազել է ամուսնու հետևից, հասել նրան ու հարվածել դանակով։
Այսելի արարքի պատճառն 9 ամսական երեխան է, որին նա ամուսնու հետ ծանր վիճակում տարել է հիվանդանոց։
Բժիշկները երեխայի մարմնի վրա խեղդելու հետքեր են հայտնաբերել։ Վնասվածքի պատճառով թթվածինը չի հասել երեխայի ուղեղ։ Կինը դուրս է եկել հիվանդանոցից և նստել Ումիդի ավտոմեքենան, պայուսակից հանել է դանակը, փորձել հարվածել ամուսնուն, բայց նա փախել է։ Այսելը հասել է տղամարդուն, դանակի յոթ հարված հասցրել, ինչի հետևանքով Ումիդը տեղում մահացել է։
Կինը ձերբակալված է։ Այսելը լրագրողներին հայտնել է, որ ամուսինը փորձել է խեղդել փոքրիկին։
