ԵՐԵՎԱՆ, 4 դեկտեմբերի — Sputnik. «Աերոֆլոտը» վատ եղանակային պայմանների պատճառով այսօր հետաձգել է 60 թռիչք, այդ թվում նաև` Երևան եկողը։
Հիմնականում հետաձգվել են Արխագելսկի, Բեռլինի, Վարշավայի, Վենետիկի, Հելսինկիի, Հռոմի, Սիմֆերոպոլի, Կրասնոդարի չվերթները։
Հետաձգված չվերթների ուղևորները կթռչեն հաջորդ թռիչքներով, տեղեկացնում է պաշտոնական կայքը։
«Ընդհանուր առմամբ, այսօր Երևան եկող թռիչքներից 3 են ուշացել` Մոսկվայից եկողը, Դուբայից և Շարմ Էլ Շեյխից։ Նրանք նախանշված ժամանակից ուշ են թռել, բայց արդեն ճանապարհին են»,–Sputnik Արմենիայի հետ զրույցում ասաց Քաղավիացիայի մամուլի խոսնակ Սաթենիկ Հովհաննիսյանը։
Հովհաննիսյանի խոսքով` Մոսկվա–Երևան չվերթը նախանշված ժամանակից մոտ մեկ ժամ է ուշ թռել, այն արդեն ճանապարհին է։