ԵՐԵՎԱՆ, 4 դեկտեմբերի — Sputnik. Դորտմունդի Բորուսիան ցանկանում է վերադարձնել Հենրիխ Մխիթարյանին։ Այս մասին գրում է բրիտանական Mirror-ը։
Վերջին ժամանակաշրջանում ավելի ու ավելի հաճախ են սկսել խոսել Հենրիխ Մխիթարյանի տեղափոխության մասին։ Հիմնական պատճառ են անվանում նրա ոչ այնքան լավ խաղը «կարմիր սատանաների» կազմում։
Մխիթարյանը չի մասնակցել անգլիական ակումբի վերջին խաղերին։ Նշվել է, որ պատճառը վնասվածքն է, սակայն ֆուտբոլիստի երկրպագուները վստահ են` պատճառը «նրան սխալ օգտագործելն է»։
Երկրպագուները հավատացնում են, որ սխալ էր Մխիթարյանին գրոհի դաշտից պաշտպանական գիծ տեղափոխելը, քանի որ նա անցած տարվա խաղաշրջանի արդյունքում զրկվեց գոլային փոխանցումների հնարավորությունից։
Ավելի վաղ «Բրայթոնի» հետ խաղում ֆուտբոլիստի ելույթից հետո անգլիական որոշ ԶԼՄ-ներ Մխիթարյանին անվանեցին հանդիպման ամենավատ խաղացողը` ամենացածր գնահատական տալով նրան ելույթին։
2016-17 խաղաշրջանում Մխիթարյանը սկզբում այնքան էլ չտպավորեց իր խաղով, բայց հետո Մոուրինյուին ապացուցեց, որ արժանի է թիմի կազմում տեղ ունենալուն։ Շատերը համարում էին, որ հաջորդ խաղաշրջանում նրա բենեֆիսն է լինելու։ Եվ իսկապես, առաջին երեք խաղում նա 5 փոխանցում արեց, բայց հետո կտրուկ նահանջեց։ Վերջին 12 խաղում` ոչ մի փոխանցում և երկու գոլ։
