ԵՐԵՎԱՆ, 4 դեկտեմբերի — Sputnik. Համացանցում հրապարակված տեսանյութում երևում է, թե ինչպես է «Toyota»-ն բախվում դեսպանատան ավտոմեքենային։
Տեսանյութը հրապարակվել է Shamshyan.com-ի Youtube-ալիքում։
Դեպքը տեղի է ունեցել դեկտեմբերի 2-ին Երևանում: Ժամը 23:15-ի սահմաններում Երևան քաղաքի Բաբայան փողոցի բնակիչ՝ 18-ամյա Արսեն Դաշտոյանը իր վարած «Toyota Prado» մակնիշի ավտոմեքենայով Նալբանդյան-Իսահակյան փողոցների խաչմերուկում, ոստիկանության 6-րդ գլխավոր վարչության դիմաց բախվել է Երևանի բնակիչ՝ 39-ամյա Էդուարդ Հովհաննիսյանի վարած «Mercedes C-250» մակնիշի ավտոմեքենային, այնուհետև առաջ ընթանալով` բախվել կայանված վիճակում գտնվող Արմավիր քաղաքի բնակիչ՝ 24-ամյա Նորայր Ասատրյանին պատկանող «Opel» մակնիշի 35 LF 142 hամարանիշի ավտոմեքենային: