Տղամարդը ոտքով հարվածում է ձյան մեջ պառկած երեխային. ցնցող տեսանյութ

© SputnikЖитель Бишкека пинает ребенка
Житель Бишкека пинает ребенка - Sputnik Արմենիա
Բաժանորդագրվեք
НовостиTelegram
Համացանցում հրապարակված տեսանյութում երևում է, թե ինչպես է տղամարդը ոտքով հարվածում ձյան մեջ պառկած երեխային։

ԵՐԵՎԱՆ, 4 դեկտեմբերի — Sputnik. Ձյան մեջ պառկած երեխային հարվածող տղամարդուն ձերբակալել են այն բանից հետո, երբ նրա անմարդկային քայլն ապացուցող տեսանյութը հրապարակվել է համացանցում։ Այդ մասին հաղորդում է Sputnik Ղրղըզստանը` հղում անելով իրավապահ մարմիններին։

Հայտնի է դարձել, որ կասկածյալը Ղրղըզստանի պետական գրանցման ծառայության Սոկուլի շրջանային վարչության ղեկավարի տեղակալն է։ Պետական գրանցման ծառայության նախագահ Դաստան Դոգոևն արդեն կարգադրել է ազատել նրան աշխատանքից։

Տղամարդը տեղափոխվել է ժամանակավոր մեկուսարան, հարուցվել է քրեական գործ` Ղրղըզստանի ՔՕ «Խուլիգանություն» հոդվածով։

Համացանցում հրապարակված տեսանյութի նկարագրությունում նշվում է, որ կադրերը նկարահանվել են անցած շաբաթ օրը Ղրղըզստանի մայրաքաղաքի «Ուլան 2» միկրոշրջանում։

Իրավապահ մարմինները ձերբակալել են կասկածյալին տեսանյութի հրապարակման հաջորդ օրը։

Երեխային հարվածողը` բիշքեկցի Բարիեր Ադիևը, չի ընդունում մեղքը և համարում է, որ տեսանյութը մոնտաժել են։ Լրատվական կայքի տեղեկություններով, նրա քաղաքացիական կինը` Ասել Էրժանովան, դեպքի մասին իմացել է սոցցանցերում տարածված տեսանյութից։ Նա զանգահարել է ամուսնուն, և նրանք վիճել են։

Կինը պատմել է, որ երբ ամուսինը երեխայի հետ վերադարձել է զբոսանքից, տեսել է, որ երեխայի բաճկոնը կեղտոտ է և հարցրել է պատճառը։ Տղամարդը պատասխանել է, որ տղան կեղտոտվել է, որովհետև պառկել է գետնին։

Վեճից հետո Ասել Էրժանովան վերցրել է երեխային և հեռացել ազգականների մոտ։ Այնուհետև Էլխանը տեղափոխվել է մանկական հիվանդանոց` «որովայնի վնասվածք» ախտորոշմամբ։ Երեխայի առողջությանը վնաս հասցնելու հետ կապված` անցկացվում է դատաբժշկական փորձաքննություն։

Այժմ երեխան և մայրը հիվանդանոցում են։ Կինը հրաժարվել է շփվել լրագրողների հետ։ Այդ մասին իր ֆեյսբուքյան էջում գրել է Երեխայի իրավունքների պաշտպանության լիգայի ղեկավար Նազգուլ Տուրդուբեկովան։

Լրահոս
0