Կենսաթոշակները չի կարելի բարձրացնել նույնիսկ հազար դրամով. նախարար

© Sputnik / Asatur Yesayants / Выдача пенсий в Айпост
Выдача пенсий в Айпост - Sputnik Արմենիա
Բաժանորդագրվեք
НовостиTelegram
Բյուջեում դժվար է միջոցներ գտնել` կենսաթոշակներն ավելացնելու համար. շատ ուրիշ ծախսեր կան։ Բայց թոշակառուների համար դժվար է ապրել ապրուստի համար անհրաժեշտ նվազագույնի երեք քառորդով։

ԵՐԵՎԱՆ, 5 դեկտեմբերի — Sputnik. 2018թ–ին կենսաթոշակները Հայաստանում բարձրացնելը դժվար է, այսօր ԱԺ–ում լրագրողներին ասաց Հայաստանի աշխատանքի և սոցիալական հարցերի նախարար Արտեմ Ասատրյանը։ Նույնիսկ 1000 դրամով կենսաթոշակի բարձրացումը բյուջեի համար կարժենա 5 միլիարդ դրամ։ Այստեղ ցանկությունները չեն համընկնում հնարավորությունների հետ, հավելեց նախարարը։

«Այլ հարց է, որ մենք փորձում ենք խթանել զբաղվածությունը, բնակչության մոտ եկամուտներ ստեղծել, որպեսզի հետո վերաբաշխենք դրանք կարիքավորների շրջանում», – նշեց նա։

2018թ–ին Հայաստանում նվազագույն աշխատավարձը (55 հազար դրամ) և միջին կենսաթոշակը (41 հազար դրամ) չեն բարձրանա։ Կենսաթոշակը նույնն է մնում արդեն երրորդ տարին (2015թ–ից)։ Միևնույն ժամանակ, Ազգային վիճակագրական ծառայության տվյալներով` 2017թ–ի առաջին կիսամյակում նվազագույն սպառողական զամբյուղը կազմել է շուրջ 51,2 հազար դրամ։ Այսինքն` միջին կենսաթոշակառուին բաժին է ընկնում ապրուստի համար անհրաժեշտ նվազագույնի միայն 75 տոկոսը։

Նվազագույն զամբյուղի մասին տվյալները ոչ պաշտոնական են, և կառավարությունը պարտավոր չէ առաջնորդվել դրանցով իր սոցիալական քաղաքականությունում։

Լրահոս
0