ԵՐԵՎԱՆ, 5 դեկտեմբերի — Sputnik. «Great America Alliance»-ի ավագ խորհրդական, Դոնալդ Թրամփին աջակցող Էնդի Սուրաբյանը, ընդգրկվել է այն քաղաքական գործիչների և ակտիվիստների ցանկում, որոնք 2018 թվականին մեծ ապագա կունենան:
Հեռանկարային քաղաքական գործիչների «Power List» ցուցակը ներառում է 18 անուն և հրապարակված է Politico կայքում:
«28–ամյա Սուրաբյանն իսկական փողոցային մարտիկ է, որը հաջող դիմակայում է ցանկացած ընդդիմությանը։ Նա հանդես է գալիս Հանրապետական կուսակցությունում բարեփոխումների և Դոնալդ Թրամփի քաղաքական ռազմավարության օգտին», – գրում է կայքը։
Ծագումով հայ Էնդի Սուրաբյանը ԱՄՆ նախագահի նախկին խորհրդական Սթիվ Բենոնի աջ ձեռքն է:
Սուրաբյանը շփվում է 2018 թվականի Կոնգրեսի ընտրությունների հավանական թեկնածուների հետ, որոնք կարող են համապատասխանել «Նախևառաջ Ամերիկան» քարոզարշավի օրակարգին, ինչպես նաև Բենոնի համար երկարաժամկետ քաղաքական ռազմավարություն է մշակում:
