ԵՐԵՎԱՆ, 6 դեկտեմբերի — Sputnik. Ռուսաստանաբնակ հայ թենիսիստ Կարեն Խաչանովը կմասնակցի Australian Open-ին։ Այս մասին նշված է թենիսի առաջնության կայքում։
6 դեկտեմբերի 2017, 19:35
Մարզիկը կներկայացնի Ռուսաստանը տղամարդկանց առաջնությունում, որ կանցկացվի 2018 թվականի հունվարի 15-ից 28-ը Մելբուրնում։
Խաչանովից բացի, մրցաշարի հիմնական ցանկում ընդգրկված են նաև Անդրեյ Ռուբլյովը, Դանիիլ Մեդվեդևը, Եվգենի Դոնսկոյն ու Միխայիլ Յուժնին։
Կարեն Խաչանովը հայտնի թենիսիստ է, արժանացել է նաև Ռուսաստանի Սպորտի վարպետ կոչմանը։ Պատանեկան օլիմպիադայի հաղթող է (2014)։ Պրոֆեսիոնալ թենիսիստների ասոցիացիայի 50 լավագույնների վարկանիշում 32-րդ տեղն է զբաղեցնում։
