ԵՐԵՎԱՆ, 9 դեկտեմբերի — Sputnik. Աշխարհի լավագույն դիզայներները կոշիկ են ընտրում բրիտանական արքայազն Հարիի հարսնացուի համար։
Դերասանուհի Մեգան Մարքլին հարսանեկան կոշիկների 10 էսքիզ են ներկայացրել։ Այս մասին հայտնում է Footwear News-ը։
Կոշիկների տարբերակներ են առաջարկել Paul Andrew, Roger Vivier, Aperlai, Aquazzura, Casadei, Giannico, Giuseppe Zanotti, Malone Souliers և ուրիշ ապրանքանիշներ։ Դիզայներներն իրենց առաջարկած կոշիկները զարդարել են այնպիսի զարդարանքներով, որոնք, նրանց կարծիքով, կարող են արտացոլել արքայազնի հարսնացուի բնավորությունը, ծագումն ու սովորությունները։
Դիզայներ Սառա Ֆլինտն առաջարկել է կոշիկները զարդարել ծաղիկներով։
«Ծաղկային նախշերը սիմվոլիկ իմաստ ունեն։ Վայրի վարդը Բրիտանիայի ու ԱՄՆ-ի խորհրդանիշն է, իսկ հոնի ծաղիկները` այն երկրի, որտեղ ծնվել է Մեգանը։ Կոշիկները զարդարված են նաև մարգարտով ու սադափով»,- ասել է նա։
Ֆլինտի առաջարկած տարբերակը, ինչպես նաև Ջովանի Մորելիի և Փոլ Էնդրյուի ներկայացրած կոշիկները երկնագույն և կապույտ տարրեր ունեն. ԱՄՆ-ում ընդունված ավանդույթի համաձայն` հարսի հագուստի կամ կոշիկների վրա պետք է կապույտի որևէ երանգով զարդ կամ նախշ լինի։
