ԵՐԵՎԱՆ, 10 դեկտեմբերի – Sputnik. Բրազիլիայի դաշնային ինստիտուտը դեկտեմբերի 6-13-ն անցկացնում է հայ արվեստի ցուցահանդես, հաղորդում է ինստիտուտի կայքը։ Ցուցահանդեսը տեղի կունենա հանրապետության մայրաքաղաքում՝ Բրազիլիա քաղաքում։
Կցուցադրվեն հայ նկարիչներ Շավարշ Խաչատրյանի, Արմենակ Կարապետյանի և Արմեն Խոջոյանի շուրջ 30 նկարներ, գրաֆիկական աշխատանքներ և կոլաժներ։
«Ցուցահանդեսի թեման է մարդու կյանքի ռիթմը․օրվա և գիշերվա, տեղատվության և մակընթացության, տարվա եղանակների ռիթմը։ Նկարներն արտացոլում են հարստություն և մշակույթների բազմազանություն, որոնց ներդաշնակությամբ հայտնի է հայ ժողովուրդը», — ասվում է ցուցադրության անոնսում։
Շավարշ Խաչատրյանը (ծնվ․ 1957) և Արմեն Կարապետյանը (ծնվ․ 1959) ծնվել և մեծացել են Երևանում, այժմ բնակվում են Բեռլինում և Պրահայում։ Արմեն Խոջոյանը (ծնվ․ 1959) բնակվում է Հայաստանում։ 1999թ-ից ՅՈՒՆԵՍԿՕ-ի գեղարվեստական հանձնաժողովի անդամ է։
