ԵՐԵՎԱՆ, 10 դեկտեմբերի – Sputnik. Արմեն Ջիգարխանյանի ընտանեկան դրաման «Կոմսոմոլսկայա պրավդային» հիշեցրել է ութ աստղերի մասին, որոնք զղջացել են շատ երիտասարդ կողակից ընտրելու համար։
Արմեն Ջիգարխանյան և Վիտալինա Ցիմբալյուկ–Ռոմանովսկայա
- Տարիքային տարբերությունը՝ 44 տարի
Արմեն Ջիգարխանյան և Վիտալինա Ցիմբալյուկ–Ռոմանովսկայա
© Sputnik / Екатерина Чеснокова
/
Նրանց ամուսնալուծությունը դարձել է անցնող տարվա ամենաաղմկոտ դատավարություններից մեկը։ Բայց նրանց պատմությունը բավական ռոմանտիկ էր։ Մինչև ամուսնությունը Ջիգարխանյանը և Վիտալինա Ցիմբալյուկ-Ռոմանովսկայան հաշտ ու խաղաղ ապրել են ավելի քան 10 տարի։ Հարաբերությունները փչացել են պաշտոնական ամուսնությունից հետո։ Դերասանի ներկայացուցիչները վստահ են, որ նրա նախկին սիրեցյալը երկու տարվա ընթացքում իր անունով է գրանցել ամբողջ անշարժ գույքը և դատարկել հաշիվները։
Ջոնի Դեփ և Էմբեր Հերդ
- Տարիքային տարբերությունը՝ 23 տարի
Հանուն երիտասարդ Էմբեր Հերդի դերասանը թողել է կնոջը` ֆրանսիացի դերասանուհի Վանեսա Պարադիին և երկու երեխաներին։ Գեղեցկուհի Հերդի հետ ամուսնությունը տևել է շուրջ մեկ տարի։ Այնուհետև Էմբերը հայտարարել է լրագրողներին, որ Դեփը ծեծել է իրեն։ Դա հարվածի տակ է դրել հայտնի կինոծովահենի կարիերան։ Ի՞նչ եք կարծում, այդ ժամանակ ո՞վ է պաշտպանել նրան։ Միայն նախկին քաղաքացիական կինը՝ Պարադին։ Ստացվում է, որ հին կինը երկու նորից լա՞վն է (թեև Պարադին բոլորովին էլ ծեր չէ)։ Երկարատև ամուսնալուծության արդյունքում Դեփը Հերդին տվել է յոթ միլիոն դոլար, երկու շուն և ձի։
Մել Գիբսոն և Օքսանա Գրիգորևա
- Տարիքային տարբերությունը՝ 14 տարի
Մել Գիբսոն և Օքսանա Գրիգորևա
© AFP 2024 / Jewel Samad
Մել Գիբսոնը հանուն դաշնակահարուհի Գրիգորևայի լքել է կնոջը և յոթ երեխաներին։ Սակայն նրանց հարաբերությունները տևել են մի քանի տարի և ավարտվել «ծեծկռտուքով», երեխայի, փողերի, անշարժ գույքի համար քաշքշուքով և մամուլի միջոցով անվերջ փոխադարձ կշտամբանքներով։
Ռոն Վուդ և Եկատիրինա Իվանովա
- Տարիքային տարբերությունը` 42 տարի
Ռոն Վուդ և Եկատիրինա Իվանովա
© AP Photo / Charles Sykes
«Rolling Stones»–ի հայտնի կիթառահարի սիրահարվածությունը երիտասարդ ռուս աղջկան ստիպեց նրան բաժանվել կնոջից, ում հետ ապրել էր 24 տարի։ Նրանք 4 զավակ ունեին։ Վուդի և Իվանովայի հարաբերությունները մեկ տարուց մի փոքր ավելի տևեցին։ Այդ կարճ ժամանակահատվածում նրանք բազմիցս հայտնվեցին ամսագրերի ու թերթերի շապիկներին. մեկ սկանդալի պատճառով հարևանները ոստիկանություն էին զանգում, մեկ Կատյան էր կրակ բացում սիրելիի վրա։ Ամենի ինչ ավարտվեց նրանով, որ ռուս մատուցողուհին որոշեց չվերադառնալ «բռունցքների» սիրահարի մոտ։
Բորիս Գրաչևսկի և Աննա Պանասենկո
- Տարիքային տարբերությունը՝ 37 տարի
«Երալաշի» հիմնադիրի և Խարկովի բնակչուհու հարաբերությունները տևել են շուրջ 4 տարի և ավարտվել ահռելի սկանդալով։ Պանասենկոն հայտարարել է լրագրողներին, որ ամուսնալուծվել է, որովհետև ամուսինը խանգարել է նրա դերասանական կարիերային։ Իսկ Գրաչևսկին հետո պատմել է, որ իրականում ամուսնալուծվել են գիշերայի ակումբների նկատմամբ Աննայի թուլության պատճառով։ Բայց ռեժիսորը վեհանձն է գտնվել․ նախկին կնոջը թողել է երեխային, բնակարանը և առատ ալիմենտներ է վճարում։
Դմիտրի Դիբրով և Ալեքսանդրա Շևչենկո
- Տարիքային տարբերությունը՝ 26 տարի
Նրանք երջանիկ զույգ էին թվում, բայց նրանց ամուսնությունը տևել է ընդամենը 9 ամիս։ Այնուհետև գեղեցիկ շիկահերը հեռացել է ամուսնուց։ Հաղորդավարը հայտարարել է, որ պատճառն աղջկա բարձր հավակնություններն են եղել։ Ի դեպ, Դիբրովը շատ չի տխրել։ Ամուսնալուծությունից հետո նա ամուսնացել է գեղեցկուհի Պոլինայի հետ, որը 4 տարով երիտասարդ էր Դիբրովի նախկին կնոջից։ Այդ ամուսնությունը չորրորդն է Դիբրովի կյանքում և տևում է արդեն 8 տարի։ Զույգը 3 երեխա ունի։
Մարկ Էնթոնի և Շենոն Դե Լիմա
- Տարիքային տարբերությունը՝ 20 տարի
Մարկ Էնթոնի և Շենոն Դե Լիմա
© AFP 2024 / Angela Weiss
Քաղցրաձայն Մարկ Էնթոնիին ԱՊՀ տարածքում հիմնականում գիտեն Ջենիֆեր Լոպեսի հետ սիրավեպով։ Բայց երաժշտի ամուսնությունը չի ստացվել ոչ միայն հայտնի երգչուհու, այլ նաև երիտասարդ վենեսուելացի մոդելի հետ (Էնթոնին նրա հետ հարաբերություններ է սկսել Լոպեսից բաժանվելուց հետո)։ Նրանց հարաբերություններն ավարտվել են երկու տարվա ամուսնությունից հետո։ Վարկած կա, որ դրա պատճառը Լոպեսի և Էնթոնիի սկանդալային համբույրն է Latin Grammy Awards մրցանակաբաշխության բեմին։
Ջանլուկա Վակկի և Ջորջիա Գաբրիելա
- Տարիքային տարբերությունը՝ 18 տարի Այս կենսուրախ զույգի պարերը, ցավոք, ավարտվել են։ Միլիոնատերը բաժանվել է մոդելի հետ 4 տարվա հարաբերություններից հետո։ Սակայն շատ օգտատերեր համոզված են, որ Istagram-ի աստղերը կմտափոխվեն և կրկին կմիանան։ Առայժմ դրա համար ոչ մի նախապայման չկա․ վերջերս «պարող միլիոնատիրոջը» բռնացրել են հերթական մոդելի հետ Մայամիում։
- Ալեքսանդր Գորդոն և Եկատերինա Պոդլիպչուկ
Տարիքային տարբերությունը՝ 16 տարի
Ալեքսանդր Գորդոն և Եկատերինա Պոդլիպչուկ
Ամուսնությունը տևել է վեց տարի և աղջկան հայտնի ազգանվան տեր է դարձրել։ Զույգը երբեք չի խոսել ամուսնալուծության պատճառների մասին։ Միայն մի անգամ Կատյան լրագրողներին ասել է, որ ամուսնալուծության նախաձեռնողը եղել է Ալեքսանդրը։ Դրանից հետո Կատյա Գորդոնը ևս երկու անգամ ամուսնացել է, բայց նույն տղամարդու հետ։ Եվ երկու անգամ էլ բաժանվել՝ նույն տղամարդուց։ Այժմ նա ձգտում է նախագահ դառնալ։
