ԵՐԵՎԱՆ, 11 դեկտեմբերի — Sputnik. Վաստակավոր պրոֆեսոր Մայքլ Չիկինդասը` Ռութգերսի համալսարանի (Նյու Ջերսի նահանգ) սննդաբանության ամբիոնի դասախոսը, որ գլխավորում է Մթերքի, սննդի ու առողջապահության կենտրոնի Մարսողության համակարգի առողջության կենտրոնը, ազատվել է դասեր տալու իրավունքից ու զրկվել պաշտոնից սոցիալական կայքերում հրապարակած գրառումների պատճառով։ Այս մասին գրում է newsru.com առցանց պարբերականը։
Նրան նաև կպարտադրեն «մշակութային դասընթացներ» անցել, գրում է The Daily Targum-ը։
Հոդվածում նշվում է, որ Չիկինդասը հակասեմիտական կարծրատիպեր էր «տարածում», իր բլոգում ծուռքիթ հրեաների ծաղրանկարներ էր հրապարակում, պնդում էր, որ նրանք գրավել են իշխանությունը Հոլիվուդում, Կենտրոնական բանկում ու հսկում են ԱՄՆ կառավարության գործողությունները, Իսրայելը կոչում է ցեղասպանություն իրականացնող «ահաբեկչական երկիր»։
Նա նաև պնդում էր, որ հայերի ջարդը թուրքական հրեաների ձեռքի գործն է։
Պրոֆեսորին գործից հեռացնելու մասին պահանջագիրը ստորագրել են Ռութգերսի համալսարանի 3200 ուսանող։ Այդ համալսարանում հրեա ուսանողների թիվն ամենամեծն է ԱՄՆ-ում։
Չիկինդասը Algemeiner պարբերականի հետ զրույցում հերքել է հակասեմիտիզմի վերաբերյալ մեղադրանքները` հայտնելով, որ ավելի վաղ հրեա կնոջ հետ է ամուսնացած եղել ու մեկ քառորդով հրեա է։
