ԵՐԵՎԱՆ, 11 դեկտեմբերի — Sputnik. Գեղասահորդուհի Եվգենյա Մեդվեդևա–Բաբասյանը, հանդես գալով ՄՕԿ–ի ամբիոնից, «մանթռաշի» մեջ չէր և անկեղծ էր խոսում։
Այդ մասին մարզիկը պատմել է ՆՏՎ հեռուստաալիքին տված հարցազրույցում` մեկնաբանելով դեկտեմբերի 5-ին ՄՕԿ–ի գործադիր կոմիտեի նիստին իր ելույթը, որի ժամանակ որոշում էին կայացնում 2018 թվականի Օլիմպիադային Ռուսաստանի հավաքականի մասնակցությունը թույլատրելը–չթույլատրելը։
«Գուցե բնավորությունս է այդպիսին։ Սակայն նյարդային «մանթռաշ» որպես այդպիսին երբեք չեմ զգացել։ Հուզմունք կար, մարդկանց համար նորմալ է։ Պարզապես պետք էր անկեղծ խոսել», – խոստովանել է Մեդվեդևան։
Եվգենյան առաջին անգամ էր որպես հռետոր հանդես գալիս նման պատասխանատու միջոցառմանը, այն էլ` անգլերենով, սակայն նա ուրախ էր, որ կարող է գոնե մի փոքր ներդրում ունենալ արդյունքի հասնելու համար։
Իր ելույթում Մեդվեդևան շեշտը դրել է նրա վրա, որ մարզիկներն իրավունք ունեն երկու անգամ մասնակցելու` թիմով և անհատական մարզաձևում, ինչպես նաև խոսել այն մասին, որ բոլոր երկրների մարզիկների համար հավասար հնարավորություններ պետք է ստեղծվեն։
Նիստից հետո ռուս մարզիկները, ինչպես պատմել է Մեդվեդևա–Բաբասյանը, ստիպված էին սպասել ևս երկու ժամ ՄՕԿ–ի որոշումն իմանալու համար։
Դատելով այս ամենից` մարզչական չինովնիկների համար դժվար էր կայացնել այս որոշումը։
«Կարծում եմ, դժվար էր», – նշել է գեղասահորդուհին` ընդգծելով, որ ՄՕԿ–ում օլիմպիականներին, այնուամենայնիվ, ջերմ ընդունելություն ցուցաբերեցին, ուշադիր լսեցին, չընդհատեցին և փորձում էին ընդունելի փոխզիջման գնալ։
Հիշեցնենք, որ դեկտեմբերի 5-ին ՄՕԿ-ի գործադիր կոմիտեն Փհենչհանում անցկացվող 2018 թվականի ձմեռային Օլիմպիական խաղերին ռուս մարզիկներին թույլ է տվել մասնակցել միայն օլիմպիական դրոշի ներքո։ ՄՕԿ-ի որոշման համաձայն` մրցումների կարող են մասնակցել այն մարզիկները, որոնք դոպինգային սկանդալում չեն հայտնվել։ Նրանց թիմը կկոչվի «Ռուսաստանի օլիմպիական մարզիկներ», և նրանք հանդես կգան առանց օրհներգի ու ազգային հավաքականի համազգեստի։
