ԵՐԵՎԱՆ, 11 դեկտեմբերի — Sputnik. Արմեն Ջիգարխանյանին կարող էր «զոմբիացնել» նրա նախկին կնոջ ընկերուհի և պաշտոնական ներկայացուցիչ Էլինա Մազուրը, Անդրեյ Մալախովի «Ուղիղ եթեր» հաղորդման եթերում հայտարարել է էքստրասենս Իրինա Խրամենկոն։
Արմեն Ջիգարխանյանի և նրա արդեն նախկին կնոջ Վիտալինա Ցիմբալյուկ-Ռոմանովսկայայի միջև ծավալված սկանդալի շուրջ գնալով ավելի մեծ ակտիվություն են սկսում ցուցաբերում իրենց էքստրասենս անվանող մարդիկ։
Այսպես, օրինակ, Անդրեյ Մալախովի` աղմկահարույց այս գործին նվիրված «Ուղիղ եթեր» հաղորդման հերթական թողարկման ժամանակ, հայտնվեց ոմն Իրինա Խրամենկո և պատմեց, որ վաղուց է ճանաչում Վիտալինայի պաշտոնական ներկայացուցիչ Էլինա Մազուրին։ Նրա խոսքով՝ Մազուրն իբր մոգությամբ է զբաղվում։
Խրամենկոն պատմել է իր և Մազուրի միջև վաղեմի «մոգական պատերազմի» մասին, որը ծավալվել էր Խրամենկոյի ընկերուհու հետ Մազուրի վեճի պատճառով։ Էքստրասենսը պնդում է, որ Էլինան հիանալի տիրապետում է զոմբիավորման հնարքներին, ինչում համոզվել է այդ վեճի ժամանակ։
Հարկ է նշել, որ Էլինայի հասցեին նման մեղադրանքներ առաջին անգամ չէ, որ հնչում են: Անցած ծրագրերից մեկի ժամանակ սև մոգությամբ զբաղվելու մեջ կասկածելու մասին պատմել էր Անդրեյ Մալախովը՝ նշելով, որ նրան ուժեղ էքստրասենս են համարում։
Մազուրն այս մեղադրանքները կտրականապես հերքել էր:
«Ես պատասխան չունեմ։ Անհեթեթություն է… Բայց չեմ թաքցնի, որ սարսափելի ցնցում ապրեցի, երբ մահացան լիովին առողջ ծնողներս։ Մայրս շատ ծանր հեռացավ, նրան վրաերթի էին ենթարկել շքամուտքի մոտ` տարօրինակ մի հատվածում, որտեղ նման բան չպետք է լիներ։ Մեկ տարի շարունակ պայքարում էի մորս կյանքի համար, բայց նա մահացավ», — պատասխանել էր Մազուրը։
Սակայն ներկաները թերահավատորեն են վերաբերվել էքստրասենսի խոսքերին. չէ՞ որ, եթե Էլինան իսկապես նման գերունակություններ ունենար, արտիստի և դաշնակահարի միջև սկանդալը վաղուց կավարտվեր հօգուտ Ցիմբալյուկ-Ռոմանովսկայային։
