ԵՐԵՎԱՆ, 13 դեկտեմբերի — Sputnik. ԽՍՀՄ ժողովրդական արտիստ Արմեն Ջիգարխանյանի նախկին կինը` Վիտալինա Ցիմբալյուկ-Ռոմանովսկայան, մեկնել է Վրաստան` հոգեբան Ռաֆայել Ուտուգաուրիի հրավերով։ Այդ մասին բժիշկը պատմել է «Թող խոսեն» հաղորդման հերթական թողարկման ժամանակ, որը կոչվել է «Դաշնակահարուհին երկար խաղաց. քրեական գործ Վիտալինայի դեմ»։
Վիտալինան Թբիլիսի էր այցելել դեռ նոյեմբերի սկզբին, ամուսնալուծվելուց առաջ։
«Նա եկել է ինձ մոտ` որպես բժշկի։ Ես արդեն վաղուց էի հրավիրում Արմեն Բորիսովիչին և Վիտալինային», — ասել է Ուտուգաուրին։
Նրա խոսքով` Վիտալինան Վրաստանում ժամանակակից տեխնոլոգիայի օգնությամբ ազատվել է սթրեսից։ Վրացի մասնագետը համոզված է, որ սթրեսի ժամանակ արտադրվող հորմոնները` ադրենալինը և կորտիզոլը, առանց ֆիզիկական լիցքաթափման վնաս են հասցնում օրգանիզմին։
«Վիտալինան գալը չէր ծրագրել, նա եկել էր ճնշման տակ։ Պետք է ինչ-որ տեղ գնար», — ասել է Ուտուգաուրին։
Ինչ վերաբերում է նոր զուգընկերոջ մասին լուրերին, ապա բժիշկը նշել է, որ Վրաստանում նա եղել է կա՛մ ծնողների, կա՛մ իր հետ, և ուրիշ ոչ ոք նրա կողքին չի եղել։
Արմեն Ջիգարխանյանի թատրոնի գլխավոր տնօրենի պաշտոնակատար Ելենա Գիլվանովան էլ իր հերթին պնդել է, որ Վիտալինան շատ լավ է հետևել դերասանին։
«Միանշանակ կարող եմ ասել, որ Վիտալինան հետևել է Արմեն Բորիսովիչին. տա Աստված, որ մեր երեխաներն այսպես հետևեն մեզ տարեց հասակում», — ասել է Գիլվանովան։
Նրա խոսքով` նա իսկական հոգատարություն է դրսևորել։
Ավելի վաղ հայտնի էր դարձել, որ Վիտալինային մեղադրանքներ են առաջադրվել մասնավոր կյանքը խախտելու մասին հոդվածով (ՌԴ ՔՕ 137 հոդված)։
